នគរបាលរាជធានីភ្នំពេញបានឃាត់ខ្លួនជនជាតិវៀតណាមដែលកំពុងរស់នៅនិងធ្វើការងារ ដោយមិនមានឯកសារផ្លូវច្បាប់នៅសង្កាត់ព្រែកប្រា ខណ្ឌច្បារអំពៅ ចំនួន១៤នាក់។
តាមការចុះផ្សាយរបស់អគ្គស្នងការដ្ឋាននគរបាលជាតិនៅថ្ងៃសុក្រនេះ បានឲ្យដឹងថា កាលពីថ្ងៃទី៧ខែ មិថុនា កម្លាំង នគរបាលបានចុះត្រួតពិនិត្យ ឯកសារផ្លូវច្បាប់លើជនបរទេស ដែលកំពុង ស្នាក់នៅក្នុងភូមិ អណ្តូង សង្កាត់ព្រែកប្រា ខណ្ឌច្បារអំពៅ ហើយរកឃើញថា ជនជាតិវៀតណាមចំនួន១៤នាក់រស់នៅខុសច្បាប់។
នគរបាលឲ្យដឹងថា ក្នុងចំណោមជនជាតិវៀតណាម១៤នាក់នោះ មានស្រី៤នាក់ បន្ទាប់មកកម្លាំងសមត្ថកិច្ចបញ្ជូនអ្នកទាំងនោះទៅកាន់នាយកដ្ឋានអន្តោប្រវេសន៍ ដើម្បីបន្តនីតិវិធីតាមផ្លូវច្បាប់៕