អន្តរជាតិ

ចិនសម្រេចដាក់ទោសប្រហារជីវិតមន្ត្រីជាន់ខ្ពស់ម្នាក់ទៀតរឿងពុករលួយ

លោក ឌិត សុខធី
| ០៩ តុលា ២០១៦
ម៉ោង ១៦:១៧

រូបិយប័ណ្ណចិន

ទីភ្នាក់ងារព័ត៌មាន Reuters បានផ្សាយថា ប្រទេសនេះ បានសម្រេចដាក់ទោសប្រហារជីវិតអតីតប្រធានបក្សកុំម្មុយនីស្តចិនប្រចាំខេត្តយុនណាន់ ពីបទស៊ីសំណូក ដែល Reuters ថា នេះគឺជាមន្ត្រីចិនថ្មីមួយទៀត ដែលស្ថិតនៅក្នុងសង្គ្រាមបោសសម្អាតអំពើពុករលួយរបស់ប្រធានាធិបតីចិន លោក ស៊ី ជិនពីង។

Reuters បានដកស្រង់សម្ដីតុលាការចិន ចុះផ្សាយថា លោក ប៉ៃ អេនភី (Bai Enpei) អាយុ ៧០ឆ្នាំ បានរំលោភតួនាទីរបស់លោក ក្នុងនាមលោកជាប្រធានបក្សប្រចាំខេត្តយុនណាន់រហូតដល់ឆ្នាំ២០១១ និងតំណែងមន្ត្រីកំពូលនៅខេត្តជីងហៃ ដោយបានកិបកេងថវិកាជាតិជាង ៣៧លានដុល្លារអាមេរិក។

បើតាម Reuters ប្រទេសចិនកំពុងប្រយុទ្ធប្រឆាំងនឹងអំពើពុករលួយ បន្ទាប់ពីលោក ស៊ី បានឡើងកាន់អំណាចអស់រយៈពេលជិត ៤ឆ្នាំកន្លងមកនេះ។ នៅក្នុងយុទ្ធនាការនេះ មន្ត្រីជាន់ខ្ពស់ជាច្រើន ត្រូវបានចាប់ខ្លួន ក្នុងនោះមានទាំងអតីតមេសន្តិសុខជាតិ លោក ជូ យ៉ុងកាង ផងដែរ៕

ចិន, ពុករលួយ

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។