បេក្ខភាពប្រធានាធិបតីហ្វីលីនលោក Rodrigo Duterte ដែលប្រើយុទ្ធសាស្ត្រឃោសនាបំផុសពីបញ្ហាអសន្តិសុខ និងបង្ហាញពីការប្រើវិធានការតឹងរឹងក្នុងការបង្ក្រាបលើក្រុមឧក្រិដ្ឋជនទទួលបានសំឡេងគាំទ្រច្រើនជាងគេ។
នៅថ្ងៃចន្ទម្សិលមិញហ្វីលីពីនដំណើរការបោះឆ្នោតជ្រើសរើសអភិបាលខេត្តក្រុង បោះឆ្នោតជ្រើសរើសតំណាងរាស្ត្រ និងបោះឆ្នោតជ្រើសប្រធានាធិបតី។ លោក Rodrigo Duterte អតីតអភិបាលក្រុង Davao ជាបេក្ខជនឈរឈ្មោះជាប្រធានាធិបតីមួយរូបក្នុងចំណោម៥រូបដែលទទួលបានការគាំទ្រច្រើនជាងគេ។ ទទួលបានការគាំទ្រច្រើននេះអាចដោយសារតែលោកប្រកាសចាត់វិធានការខ្លាំងគឺសម្លាប់ពួកឧក្រិដ្ឋជនដែលបង្កអសន្តិសុខដល់ជាតិ ខណៈប្រទេសនេះកំពុងជួបប្រទះបញ្ហាធំពីរគឺ ភាពក្រីក្រ និង ឧក្រិដ្ឋកម្ម។
ក្រុមប្រឹក្សាឃ្លាំមើលដំណើរការបោះឆ្នោតបានបង្ហាញលទ្ធផលបឋមនៅថ្ងៃអង្គារនេះបង្ហាញថា លោក Rodrigo Duterte ទទួលបានសំឡេងគាំទ្រច្រើនជាងគេគឺមាន៨៩% បានបោះឆ្នោតគាំទ្ររូបលោក។ នេះបើតាមសារព័ត៌មាន Channel News Asia។
លោក Duterte ថ្លែងប្រាប់សារព័ត៌មាន AFP ថា លោកត្រៀមខ្លួនទទួលលទ្ធផលដែលប្រជាពលរដ្ឋបោះឆ្នោតឲ្យ ហើយលោកនឹងធ្វើតាមការសន្យាឲ្យល្អបំផុតគឺមិនត្រឹមតែពេលដែលភ្ញាក់នោះទេសូម្បីតែពេលដែលលោកគេងក៏លោកធ្វើដែរ៕
