យ៉ាងហោចណាស់មនុស្ស ៥នាក់បានស្លាប់ ហើយ ១៦នាក់ទៀត បានរងរបួស នៅក្នុងគ្រោះថ្នាក់ចរាចរណ៍កាលពីថ្ងៃម្សិលមិញនេះ។ នេះដោយយោងតាមរបាយការណ៍របស់នគរបាលចរាចរណ៍កម្ពុជា ដែលចុះផ្សាយលើវេបសាយអគ្គស្នងការនគរបាលជាតិ។
វេបសាយដដែលនេះ បានឲ្យដឹងថា គ្រោះថ្នាក់ចរាចរណ៍ ១២ករណី បានកើតឡើងនៅទូទាំងប្រទេសកម្ពុជា កាលពីថ្ងៃម្សិលមិញនេះ ដោយបានសម្លាប់មនុស្ស ៥នាក់ ខណៈមនុស្សដល់ទៅ ១២នាក់បានរងរបួសធ្ងន់ និង ៤នាក់ទៀតបានរងរបួសស្រាល។
វេបសាយនគរបាលជាតិកម្ពុជា បានឲ្យដឹងបន្ថែមថា ក្នុងរយៈពេល ១០ថ្ងៃដំបូងនៃខែមីនានេះ គ្រោះថ្នាក់ចរាចរណ៍ដល់ទៅ ៩៦ករណី បានកើតឡើងនៅទូទាំងប្រទេស ដោយបានសម្លាប់មនុស្សដល់ទៅ ៤៩នាក់ ហើយមនុស្សដល់ទៅ ១៣៥នាក់ទៀត បានរងរបួសធ្ងន់ និងស្រាល៕