ការព្យាករណ៍អាកាសធាតុរបស់ក្រសួងធនធានទឹកនិងឧត្តុនិយមសំរាប់ថ្ងៃទី១០ដល់ថ្ងៃ១៦ ខែវិច្ឆិកា ឆ្នាំ២០១៦ បង្ហាញថា សម្ពាធខ្ពស់ប្រទេសចិន បាននិងកំពុងបន្តរំកិលចុះមកទិសខាងត្បូងនិងឈានទៅគ្របដណ្តប់លើព្រះរាជាណាចក្រកម្ពុជា។ ខ្យល់មូសុងឦសាន នឹងចាប់ផ្តើមមានឥទ្ធិពលលើព្រះជាណាចក្រកម្ពុជាចាប់ពីចុងសប្តាហ៍ទី២ នៃខែវិច្ឆកានេះតទៅ។
ការផ្សាយរបស់ក្រសួងបន្តថា យោងតាមស្ថានភាពនេះការព្យាករណ៍បង្ហាញថា តំបន់ខ្ពង់រាបខាងជើងនិងឦសាន មាននៅសល់ភ្លៀងតិចតួច។ តំបន់វាលទំនាបកណ្តាលដែលមានខេត្តកំពង់ឆ្នាំង ពោធិ៍សាត់ បាត់ដំបង ប៉ៃលិន បន្ទាយមានជ័យ សៀមរាប និងខេត្តកំពង់ធំ នៅមានភ្លៀងតិច។ រីឯរាជធានីភ្នំពេញ ខេត្តស្វាយរៀង ព្រៃវែង កណ្តាល កំពង់ស្ពឺ តាកែវ និងបណ្តាខេត្តនៅជាប់មាត់សមុទ្រ កំរិតទឹកភ្លៀងនៅបន្តមានពីតិចទៅមធ្យម។
ការព្យាករណ៍បញ្ជាក់ចុងក្រោយថា រដូវរំហើយនឹងចូលមកដល់ក្នុងសប្តាហ៍ទី៣ នៃខែវិច្ឆិកា ឆ្នាំ២០១៦នេះ៕
