ប្រទេសចំនួន​៥៥ទាមទារឲ្យលោកត្រាំសុំទោស«ចំពោះពាក្យសម្តីប្រមាថមើលងាយ»

ដោយ លោក ពៅ មេត្តា​​ | ថ្ងៃសៅរ៍ ទី១៣ ខែមករា ឆ្នាំ២០១៨​ ម៉ោង 4:13 PM | អន្តរជាតិ | 0 | 6732 លោក ដូណាល ត្រាំ ប្រធានាធិបតីរបស់អាមេរិក​

សហភាពអាហ្រ្វិកដែលមានរដ្ឋជាសមាជិកចំនួន​៥៥ បានទាមទារឲ្យប្រធានាធិបតីសហរដ្ឋអាមេរិក​ដូណាល ត្រាំ ចេញមុខសំទោសចំពោះករណីដែលពួកគេចោទថា លោកត្រាំបានប្រើពាក្យប្រមាថមើលងាយ និង រើសអើងជាតិសាសន៍។​

ក្រុមគណៈប្រតិភូនៅក្នុងរដ្ឋធានីវ៉ាស៊ីនតោនបានសម្តែងការភ្ញាក់ផ្អើល ខកចិត្ត និង ខឹងសម្បារ ហើយថ្លែងថា លោក ដូណាល ត្រាំមិនយល់ពីបណ្តាប្រទេសនៅអាហ្វ្រិក។​ នេះបើតាមសារព័ត៌មាន​BBC។​

លោកត្រាំ រងការចោទប្រកាន់នេះថា លោកបានថ្លែងនៅក្នុងកិច្ចប្រជុំស្តីពីជនអន្តោប្រវេសន៍កាលពីថ្ងៃព្រហស្បតិ៍ហើយ លោក​បាននិយាយអំពីប្រជាជននៅក្នុងប្រទេសដែលរងគ្រោះមហន្តរាយធម្មជាតិនិង​  ប្រទេសរាលដាលដោយសង្គ្រាម។ ពេលនោះលោកចោទជាសំនួរថា ហេតុអ្វីត្រូវឲ្យពលរដ្ឋនៅប្រទេសកង្វក់ទាំងនោះមកអាមេរិក? លោកស្នើឲ្យរៀបចំឲ្យពលរដ្ឋរងគ្រោះទាំងនោះស្វែងរកសិទ្ធិជ្រកកោណនៅក្នុងប្រទេសផ្សេងវិញ។​

ទោះយ៉ាងក្រោយផ្ទុះការចោទប្រកាន់និងមានការទាមទារឲ្យសុំទោស នៅថ្ងៃសុក្រគឺមួយថ្ងៃបន្ទាប់មក លោក ត្រាំ បានសរសេរសារលើTwitterរបស់លោកថា លោក​មិនបាននិយាយពីការប្រមាថមើលងាយដូចការចោទប្រកាន់នោះទេ។​

មន្ត្រីដែលគាំទ្រលោកត្រាំ ថ្លែងថា ប្រហែលជាសហភាពអាហ្វ្រិកមានការយល់ត្រឡំសារដែលប្រធានាធិបតីរូបនេះបានថ្លែង។ ប៉ុន្តែតំណាងរាស្ត្រមួយចំនួន​ដែលបានចូលរួមប្រជុំជាមួយលោកត្រាំថ្លែងថា លោកត្រាំពិតជាបានប្រើប្រាស់ពាក្យប្រមាថនោះមែន ហើយថា នេះមិនមែនជាការថ្លែងលើកទី១របស់ប្រធានាធិបតីរូបនេះនោះទេ។​

ក្រៅពីប្រតិកម្មនៅរដ្ឋធានីវ៉ាស៊ីនតោន ប្រទេសមួយចំនួន​របស់សហភាពអាហ្រ្វិកក៏បានកោះហៅមន្ត្រីទូតរបស់អាមេរិក​ប្រចាំប្រទេសរបស់ពួកគេដើម្បីឲ្យមានការបកស្រាយចំពោះការថ្លែងរបស់លោកត្រាំនេះ។​​

សរសេរមកកាន់ លោក ពៅ មេត្តា តាមរយៈ minpov@vodhotnews.com

Loading...

ចាប់អារម្មណ៍នឹងព័ត៌មានប្រភេទនេះ? ចុះឈ្មោះដើម្បីទទួលបានព័ត៌មានថ្មីៗ

Fields marked with an * are required