ក្រសួងធនធានទឹកនិងឧតុនិយមបានព្យាករណ៍ថា អាកាសធាតុចុះត្រជាក់មួយកម្រិតទៀតនៅថ្ងៃទី១៣និង១៤ ដោយសាររងឥទ្ធិពលខ្យល់មូសុង។
សេចក្តីជូនដំណឹងស្តីពីស្ថានភាពអាកាសធាតុចេញផ្សាយនៅថ្ងៃអាទិត្យម្សិលមិញ ក្រសួងបញ្ជាក់ថា អាកាសធាតុចុះត្រជាក់ក្នុងក្របខ័ណ្ឌស្ទើរទូទាំងប្រទេស ពិសេសតំបន់ខ្ពស់រាប។
សេចក្តីជូនដំណឹងបញ្ជាក់ថា ខេត្តរតនគិរីនិងខេត្តមណ្ឌលគិរី សិតុណ្ហភាពអប្បបរមា អាចនឹងចុះត្រជាក់នៅក្នុងរង្វង់ ១៥អង្សា នៅពេលយប់និងពេលព្រឹក។ ក្រសួងក៏បានអំពាវនាវ ប្រជាពលរដ្ឋយកចិត្តទុកដាក់ថែទាំសុខភាពចំពោះការចុះត្រជាក់នេះ៕