ប្រធានាធិបតីថ្មីរបស់ហ្វីលីពីនប្រកាសពីការកែប្រែចំណុចមួយចំនួននៅក្នុងរដ្ឋធម្មនុញ្ញ បច្ចុប្បន្នដើម្បីបើកផ្លូវ ឲ្យអ្នកវិនិយោគបរទេសងាយស្រួល និងមានទំនុកចិត្តក្នុងការបណ្តាក់ ទុនរបស់ពួកគេ។
បច្ចុប្បន្នរដ្ឋធម្មនុញ្ញហ្វីលីពីនបានកំណត់មិនអនុញ្ញាតឲ្យក្រុមហ៊ុនបរទេសមានច្រើន ជាង៤០%ទេ ហើយចំណែកវិស័យអាកាសចរណ៍ និង ទូរគមនាគមន៍គឺតម្រូវឲ្យមានការ អនុញ្ញាតពីរដ្ឋសភា។
ប្រធានាធិបតីជាប់ឆ្នោតលោក Rpresidentកាលពីថ្ងៃព្រហស្បតិ៍បាន ប្រកាសធ្វើវិ សោធនកម្មរដ្ឋធម្មនុញ្ញ ដើម្បីដកចំណុចរឹតបន្តឹងលើអ្នកវិនិយោគទុននបរទេស ដែលលោកបញ្ជាក់ថា ដើម្បីឲ្យមានភាពប្រសើរឡើងនៃសេដ្ឋកិច្ចជាតិ។នេះបើតាមសារព័ត៌ មានChannel News Asia។
លោក Duterte ក៏បានបង្ហាញគម្រោង រៀបចំហេដ្ឋារចនាសម្ព័ន្ធ ឲ្យបានប្រសើរ ដើម្បី បង្កភាពងាយស្រួលដល់គម្រោងវិនិយោគទាំងអស់ នេះបើតាមលោក Carlos Dominguez បេក្ខជនជាប់ឆ្នោតនៅគណៈរដ្ឋមន្ត្រី។ លោកបញ្ជាក់ថា រដ្ឋាភិបាលថ្មី នឹងធ្វើឲ្យមានភាពងាយស្រួលក្នុងការទាក់ទាញអ្នកវិនិយោគបរទេស ដែលកន្លងមកមានការរឹតបន្តឹងដោយ ច្បាប់។
គោលនយោបាយសេដ្ឋកិច្ចក្រៅប្រទេសរបស់លោក Duterte ត្រូវបានប្រកាសចេញ គឺក្រោយ បីថ្ងៃដែល អភិបាលក្រុងDavao នៅភាគខាងត្បូងឈ្នះការបោះឆ្នោត ហើយលោកត្រៀមចូល កាន់តំណែងជាប្រធានាធិបតីផ្លូវការនៅថ្ងៃទី៣០ខែមិថុនា។ ប្រែសម្រួល ដោយ ពៅ មេត្តា
