ក្រសួងឧស្សាហកម្ម និងសិប្បកម្ម បានណែនាំទៅស្ថាប័នក្រោមឱវាទរបស់ខ្លួននៅទូទាំងប្រទេស ឲ្យលុបបំបាត់សិប្បកម្មផលិតស្ករត្នោតក្លែងក្លាយ បន្ទាប់ពីក្រសួងបានរកឃើញទីតាំងផលិតផលស្ករត្នោតក្លែងក្លាយមួយន្លែងនៅស្រុកបាទី ខេត្តតាកែវ កាលពីពេលថ្មីៗនេះ។
សមត្ថកិច្ចចម្រុះ បានចុះផ្អាកទីតាំងផលិតស្ករត្នោត ៤៣កន្លែង នៅក្នុងចំនួន ៣ ស្ថិតនៅក្នុងស្រុកបាទី ខេត្តតាកែវ ដោយថា សិប្បកម្មទាំងនោះ ផលិតស្ករត្នោតក្លែងក្លាយ។
ក្រសួងឧស្សាហកម្ម និងសិប្បកម្ម បានលើកឡើងនៅក្នុងសេចក្ដីប្រកាសព័ត៌មាននៅថ្ងៃនេះថា សិប្បកម្មផលិតស្ករត្នោក្លែងក្លាយទាំងនោះ បានធ្វើឲ្យអន្តរាយដល់សេដ្ឋកិច្ចជាតិ តាមរយៈការបំផ្លាញកិត្តិនាមស្ករត្នោតខ្មែរ ដែលជាផលិតផលសម្គាល់ជាតិ ដែលក្រសួងថា ត្រូវបានទទួលស្គាល់ទាំងក្នុង និងក្រៅប្រទេស។
ក្រសួងបានណែនាំទៅមន្ទីរឧស្សាហកម្ម និងសិប្បកម្មនៅទូទាំងប្រទេស ឲ្យចាត់វិធានការលុបបំបាត់សិប្បកម្មផលិតស្ករត្នោតក្លែងក្លាយទាំងអស់៕