អន្តរជាតិ

អាមេរិកបញ្ចូលអនុប្រធានាធិបតីវេណេហ្ស៊ូអេឡាក្នុងបញ្ជីខ្មៅស្ដេចគ្រឿងញៀន

លោក ឌិត សុខធី
| ១៤ កុម្ភៈ ២០១៧
ម៉ោង ១៦:៣៥

សហរដ្ឋអាមេរិក នៅថ្ងៃនេះ បានចាត់ទុកអនុប្រធានាធិបតីប្រទេសវេណេហ្ស៊ូអេឡា លោក Tareck El Aissami ជាឈ្មួញគ្រឿងញៀនដ៏ធំ ដោយបានបញ្ចូលឈ្មោះអ្នកនយោបាយជើងចាស់រូបនេះ ទៅក្នុងបញ្ជីឈ្មោះ “ស្ដេចគ្រឿងញៀន”។ នេះដោយយោងតាមការចុះផ្សាយរបស់ទីភ្នាក់ងារព័ត៌មាន AFP។

ក្រសួងរតនាគារអាមេរិក បានចោទលោក Aissami ថាបានសម្របសម្រួល ការពារ និងគ្រប់គ្រងលើការដឹកជញ្ជូនគ្រឿងញៀនទ្រង់ទ្រាយធំពីប្រទេសវេណេហ្ស៊ូអេឡូ ឆ្លងកាត់ប្រទេសម៉ិកស៊ិក និងចូលទៅអាមេរិក នៅពេលលោកកាន់តំណែងជារដ្ឋមន្ត្រីមហាផ្ទៃ និងអភិបាលរដ្ឋ Aragua។

លោក Aissami ដែលបានក្លាយជាអនុប្រធានាធិបតីកាលពីដើមខែមករាកន្លងមកនេះនោះ ត្រូវបានគេចោទថា បានទទួលប្រាក់ពីស្ដេចគ្រឿងញៀន Walid Makled Garcia ជាថ្នូរនឹងការការពារការដឹកជញ្ជូន និងសម្របសម្រួលជាមួយស្ដេចគ្រឿងញៀនប្រទេសម៉ិកស៊ិក Los Zetas។

ក្រសួងរតនាគារអាមេរិក បានសម្រេចបង្កកទ្រព្យសម្បត្តិនៅលើទឹកដីអាមេរិក និងបានហាមឃាត់ពលរដ្ឋអាមេរិក មិនឲ្យធ្វើជំនួញជាមួយក្រុមមនុស្ស និងក្រុមហ៊ុនចំនួន ១៣ ដែលជាប់ក្នុងបញ្ជីខ្មៅនោះឡើយ៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។