ក្រសួងសាធារណការនិងដឹកជញ្ជូនបានក្រើនរំឭកដល់ម្ចាស់យានដ្ឋាននិងកែច្នៃយានយន្តគ្រប់ប្រភេទដែលស្ថិតនៅរាជធានីខេត្តមកចុះបញ្ជីនិងទទួលបានលិខិតអនុញ្ញាតពីក្រសួង។
ក្នុងសេចក្តីប្រកាសព័ត៌មានមួយចុះថ្ងៃទី១៣ ខែមិថុនា ក្រសួងសាធារណការបានបញ្ជាក់ថាមន្ទីរសាធារណការនិងដឹកជញ្ជូនរាជធានីខេត្តមានភារកិច្ចគ្រប់គ្រងចុះបញ្ជីនិងផ្តល់លិខិតអនុញ្ញាតឲ្យធ្វើអាជីវកម្មយានដ្ឋានជួសជុលនិងកែច្នៃយាន្តគ្រប់ប្រភេទ។
លោក វ៉ា ស៊ឹម សុរិយា បានប្រាប់វីអូឌីថាកន្លងមកការចុះបញ្ជីនិងផ្តល់លិខិតអនុញ្ញាតមានតាំងពីយូរមកហើយ។ លោកថាប្រកាសរបស់ក្រសួងដើម្បីជាការរំឭកដល់អាជីវករយានដ្ឋានទៅចុះបញ្ជីនិងទទួលបានលិខិតអនុញ្ញាតពីក្រសួង។ លោកមានប្រសាសន៍ថា៖ “យើងបានចុះបញ្ជីរហូតមក ប៉ុន្តែកន្លែងខ្លះគាត់អត់មកចុះបញ្ជី ហើយគាត់ឆ្លើយថាអត់ដឹងចឹងទៅ អ្នកធ្វើអាជីវកម្មជួនកាលគាត់ប្រហែស។ អញ្ចឹងទៅជួនកាលសុំច្បាប់តាមគ្នា សុំតាមភូមិឃុំ ឬក៏អីចឹងទៅហើយគាត់អត់បានចុះបញ្ជីមកខាងបច្ចេកទេស “៕
