ចិនបានព្រមព្រៀងផ្តល់កម្ចីឲ្យរដ្ឋាភិបាលនៃបង់ក្លាដេសចំនួន២៤លានដុល្លារក្នុងដំណើរទស្សនកិច្ចរបស់ប្រធានាធិបតីចិនលោក ហ្ស៊ី ជិនពីង ដើម្បីយកទៅកសាងរោងចក្រអគ្គិសនី កំពង់ផែសមុទ្រ និងផ្លូវរថភ្លើង។
ដំណើរទស្សនកិច្ចរបស់លោក ហ្ស៊ី នេះ គឺជាលើកដំបូងហើយរបស់ប្រធានាធិបតីចិនក្នុងរយៈពេល៣០ឆ្នាំមកនេះ ដើម្បីពង្រឹងទំនាក់ទំនងក្នុងជំរុញដល់ការកសាងហេដ្ឋារចនាសម្ព័ន្ធ ស្របពេលដែលឥណ្ឌាក៏កំពុងជំរុញការវិនិយោគរបស់ខ្លួននៅក្នុងប្រទេសបង់ក្លាដេសដែរគឺ ទីក្រុងញូដេលីគិតថាបង់ក្លាដេសជាប្រទេសមួយដែលមានសក្តានុពលក្នុងតំបន់។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។
ចំណែកជប៉ុនក៏បានជួយតាមរយៈឥណ្ឌាក្នុងការទំនាក់ទំនងជាមួយបង់ក្លាដេស ដោយការផ្តល់កម្ចីក្នុងអត្រាការប្រាក់ទាប សម្រាប់ការកសាងកំពង់ផែនិងប្រព័ន្ធផលិតថាមពលស្មុគស្មាញ។ ទាំងនេះបង្ហាញថា ប្រទេសមានឥទ្ធិពលទាំងនេះកំពុងប្រកួតប្រជែងឥទ្ធិពលរបស់ខ្លួននៅក្នុងប្រទេសបង់ក្លាដេសដែលប្រជាជន១៦០លាននាក់។
ចិនបានដាក់ចេញគម្រោងចំនួន២៥ក្នុងការកសាងរោងចក្រផលិតថាមពលអគ្គិសនីដែលអាចផលិតបានថាមពលចំនួន១៣២០មេកាវ៉ាត់ ហើយក៏មានកសាងកំពង់ផែជ្រៅចូលក្នុងសមុទ្រឲ្យបង់ក្លាដេសផងដែរ៕