អន្តរជាតិ

ចិនបញ្ជាក់ទៅលោក ត្រាំ ថា គោលការណ៍ “ចិនតែមួយ”មិនអាចចរចាបាន

លោក ឌិត សុខធី
| ១៥ មករា ២០១៧
ម៉ោង ០៩:៥៨

ក្រសួងការបរទេសចិន បាននិយាយកាលពីថ្ងៃម្សិលមិញថា គោលនយោបាយ “ចិនតែមួយ” របស់ខ្លួន គឺជាមូលដ្ឋានដែលមិនអាចចរចាបាន សម្រាប់ទំនាក់ទំនងចិន-អាមេរិក ហើយក្រុងប៉េកាំងបានជំរុញទៅភាគពាក់ព័ន្ធនៅអាមេរិក ឲ្យទទួលស្គាល់បញ្ហាកោះតៃវ៉ាន់។ នេះដោយយោងតាមការចុះផ្សាយរបស់ទីភ្នាក់ងារព័ត៌មាន Reuters។

បើតាម Reuters ក្រសួងការបរទេសចិនបានថ្លែងដូច្នេះនៅលើវេបសាយរបស់ខ្លួន ដែលជាការឆ្លើយតបទៅនឹងសម្ដីរបស់អនាគតប្រធានាធិបតីអាមេរិក លោក ដូណាល់ ត្រាំ ដែលបានលើកឡើងក្នុងកិច្ចសម្ភាសជាមួយកាសែត Wall Street Journal ថា គោលនយោបាយ “ចិនតែមួយ” អាចចរចាបាន។

ចាប់តាំងពីឆ្នាំ១៩៧៩មក សហរដ្ឋអាមេរិកបានទទួលស្គាល់កោះតៃវ៉ាន់ជាផ្នែកមួយនៃទឹកដីចិន ប៉ុន្តែ លោក ត្រាំ បានបញ្ឆេះឲ្យមានការតវ៉ាផ្នែកកាទូតពីសំណាក់ក្រុងប៉េកាំង បន្ទាប់ពីជជែកគ្នាតាមទូរស័ព្ទជាមួយប្រធានាធិបតីកោះតៃវ៉ាន់ អ្នកស្រី សៃ អ៊ឹងវ៉េន កាលពីដើមខែធ្នូឆ្នាំមុន៕

ចិន

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។