អន្តរជាតិ

រញ្ជួយដីពីរលើកនៅឥណ្ឌូនេស៊ីនៅព្រឹកនេះ

ដោយ វីអូឌី
| ១៦ កុម្ភៈ ២០១៧
ម៉ោង ១៤:១៤

រញ្ជួយដីកើតឡើងពីរដងនៅព្រឹកថ្ងៃព្រហស្បតិ៍នេះ ខេត្ត Aceh ជាខេត្តនៅភាគខាងពាយព្យនៃប្រទេសឥណ្ឌូនេស៊ី ដែលញ័រដូចកាលកើតឡើងអំឡុងខែធ្នូកន្លងទៅ។

ក្រុមអ្នកភូមិសាស្ត្រអាមេរិក បានឲ្យដឹងថា ការរញ្ជួយដីនេះ ញ័រក្នុងកម្លាំង ៥,១ និង ៥,៦ រិច្ឆទ័រ គឺបានញ័រយ៉ាងឆាប់រហ័សរយៈពេលខ្លីនៅម៉ោងប្រមាណ៣ទៀបភ្លឺ។ នេះបើតាមសារព័ត៌មាន Channel News Asia។

កាកបាតក្រហមឥណ្ឌូនេស៊ី បានថ្លែងថា ផ្ទះប្រជាពលរដ្ឋចំនួនពីរខ្នងនៅ តំបន់ Pidie Jaya បានបាក់រលំ បណ្តាលឲ្យមនុស្សចំនួន៩នាក់រងរបួស។ កម្លាំងរញ្ជួយនេះ បានញ័រទៅតំបន់ផ្សេងៗជាច្រើនទៀតក្នុងកម្រិតតិចតួច។

កាលពីថ្ងៃទី៧ខែធ្នូ រញ្ជួយដីបានសម្លាប់មនុស្សនៅឥណ្ឌូនេស៊ីជាង១០០នាក់ និង បំផ្លាញអាគារជាង១១០០០អាគារ ភាគច្រើនជា ផ្ទះពលរដ្ឋ។ ក្រុមអ្នកភូមិសាស្ត្រឥណ្ឌូនេស៊ីបញ្ជាក់ថា ការញ្ជួយដីនេះមិនមានសញ្ញារលកស៊ូណាមីនោះទេ៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។