តុលាការនៅហាវ៉ៃបញ្ឈប់ការអនុវត្តគោលនយោបាយរបស់ ត្រាំ ដែលប៉ះពាល់ដល់​អ្នកកាន់សាសនាឥស្លាម​​

ចៅក្រមរដ្ឋសហព័ន្ធនៅហាវ៉ៃ បញ្ឈប់នូវការអនុវត្តគោលនយោបាយរបស់លោកប្រធានាធិបតី ​ត្រាំ​ ដែល​ហាមពលរដ្ឋមកពីប្រទេសកាន់សាសនាឥស្លាម​ចំនួន៧នៅប៉ុន្មានម៉ោង​ ក្រោយពេលអនុវត្តន៍ទៅរងផលប៉ះពាល់ កាលពីថ្ងៃពុធម្សិលមិញ​ បើទោះគោលនយោបាយនោះកែសម្រួលហើយម្តងក្តី។​

ចៅក្រម​តុលាការនៅស្រុក​ Derrick Watson​ បានចេញសេចក្តីសម្រេចថា ការអនុវត្តនៅហាវ៉ៃ រងផលប៉ះពាល់ ហើយស្នើឲ្យមានការផ្អាកបន្ទាន់ដោយមិនបញ្ជាក់មូលហេតុលម្អិត ហើយថារងចាំការពិនិត្យឡើងវិញម្តងទៀត។ នេះបើតាមទីភ្នាក់ងារព័ត៌មាន AFP។​

រដ្ឋហាវ៉ៃ បានប្រឆាំង និង បំរាមនោះ ហើយក៏មានការចុះហត្ថលេខានិងធ្វើការកែសម្រួល ដោយលោក ត្រាំកាលពីថ្ងៃទី៦ខែមីនា ចំពោះការហាមពលរដ្ឋមកពីប្រទេសកាន់សាសនាឥស្លាមចំនួន​៧មិនឲ្យចូលដែនដីអាមេរិក។ បន្ទាប់ពីកែសម្រួល ហើយការអនុវត្តនៅតែមានផលប៉ះពាល់ទើបតុលាការនៅរដ្ឋនេះ ប្រកាសឲ្យផ្អាកការអនុវត្ត៕