បេក្ខជនប្រធានាធិបតីរបស់ម៉ិកស៊ិកដែលសង្ឃឹមខ្ពស់ថា ជាប់ឆ្នោតនៅឆ្នាំ២០១៨នោះលោក Lopez Obrador ប្តឹងទៅគណៈកម្មាធិការអន្តរអាមេរិកផ្នែកសិទ្ធិមនុស្សកាលពីថ្ងៃពុធ ប្រឆាំងគម្រោងគោលនយោបាយ ប្រធានាធិបតីអាមេរិកលោក ត្រាំ ដែលចង់សង់ជញ្ជាំងតាមព្រំដែននៃប្រទេសទាំងពីរ។
លោក Lopez Obrador ថ្មីៗនេះ មានការស្ទង់មតិបង្ហាញថា លោកនឹងឈ្នះការបោះឆ្នោតនៅឆ្នាំ២០១៨។ លោកបានហៅគម្រោងរបស់លោកត្រាំថា យាយី និង គំរាមកំហែងដល់សិទ្ធិជនអន្តោរប្រវេសន៍។
ត្រាំបានបញ្ជា ឲ្យសាងសង់ជញ្ជាំង តាមព្រំដែនជាមួយប្រទេសម៉ិចស៊ិក ដែលមានប្រវែង ៣ ២០០ គីឡូម៉ែត្រ គោលបំណងទប់ស្កាត់ឧក្រិដ្ឋកម្មនានា និង ជនអន្តោរប្រវេសន៍ដែលឆ្លងដែនចូលអាមេរិកតាមនោះ។
កាលពីអំឡុងនៃការឃោសនាបោះឆ្នោត លោកត្រាំ បានពិពណ៌នាថា បទឧក្រិដ្ឋនានាបានឆ្លងកាត់តាមព្រំដែននៃប្រទេសទាំងពីរនេះ ហើយលោកបានទាមទារឲ្យប្រទេសម៉ិកស៊ិក ជួយចេញថ្លៃនៃការសាងសង់ ប៉ុន្តែខាងប្រទេសម៉ិចស៊ិកបានបដិសេធមិនជួយចេញថ្លៃចំណាយទេ ហើយថែមទាំងថ្កោលទោសចំពោះគម្រោងនេះថែមទៀតផង៕