ប្រធានាធិបតីអាមេរិកលោកដូណល ត្រាំ បានបង្ហាញពីព័ត៌មានសំខាន់ទាក់ទងក្រុមភេរវកម្មដែលគេស្គាល់ថា កំពុងធ្វើឲ្យពិភពលោកថ្កោលទោស និងភ័យខ្លាចគឺពួកISទៅ រដ្ឋមន្ត្រីការបរទេស និង បេសកជនពិសេសរបស់រុស្ស៊ី។
សារព័ត៌មាន Washington Post ចុះផ្សាយថា ព័ត៌មានដែលទទួលបានពីដៃគួរបស់អាមេរិកនេះ គឺលោកត្រាំបានចែករំលែកទៅរុស្ស៊ីដោយមិនមានការអនុញ្ញាតជាផ្លូវពីប្រទេសអាមេរិកទាំងមូលនោះទេ។ ករណីនេះបានកើតឡើងនៅពេលដែលលោក ដូណល ត្រាំ ជួបជាមួយ លោកSergei Lavrov រដ្ឋមន្ត្រីការបរទេសរបស់រុស្ស៊ី ដែលការជួបនោះធ្វើឡើងនៅការិយាល័យ Oval ជាការិយាល័យប្រធានាធិបតីរបស់អាមេរិក។
ទន្ទឹមនឹងមានការរិះគន់លោកត្រាំនេះ មន្ត្រីជាន់ខ្ពស់ផ្នែកសន្តិសុខរបស់សហរដ្ឋអាមេរិកថ្លែងថា ព័ត៌មានដែលលោកត្រាំប្រាប់ទៅរុស្ស៊ីនោះគឺមិនមែនជាព័ត៌មានមិនពិតនោះទេ។
ទីប្រឹក្សាផ្នែកសន្តិសុខជាតិរបស់អាមេរិកលោក HR McMaster ថ្លែងថា ហេតុការណ៍ដែលត្រាំទម្លាយប្រាប់រុស្ស៊ីនោះគឺជាព័ត៌មានមិនពិតនោះទេ។លោកថ្លែងបែបនេះប្រាប់អ្នកសារព័ត៌មានៅមុខសេតវិមាន។
លោក HR McMaster បន្តថា ប្រធានាធិបតីអាមេរិក និង រដ្ឋមន្ត្រីការបរទេសរបស់រុស្ស៊ី គឺបានផ្តោតលើការជជែកសំខាន់គឺការគំរាមកំហែងដល់សន្តិសុខតាមរយៈអាកាសចរណ៍ស៊ីវិល។លោកថា ភាគីទាំងពីមិនបានកំណត់ពេល បង្ហាញពីប្រភពចារកម្ម ឬ វិធីសាស្ត្រក្នុងការស្វែងរក មិនបានបង្ហាញពីកិច្ចសហប្រតិបត្តិការយោធានោះទេ។
សហរដ្ឋអាមេរិក និង រុស្ស៊ី កំពុងតែដឹកនាំទិសដៅយោធាផ្ទុយក្នុងការប្រឆាំងពួកភេរវកម្មនៅក្នុងប្រទេស៊ីរី គឺអាមេរិកវាយទាំងពួកIS និងចង់ប្តូររដ្ឋាភិបាលស៊ីរីដឹកនាំដោយលោកអាសាទ ចំណែករុស្ស៊ីដឹកនាំប្រឆាំងពួកIS ប៉ុន្តែគាំទ្ររដ្ឋាភិបាលរបស់លោកអាសាទ។
