អន្តរជាតិ

ប្រមុខកាទូតសិង្ហបុរីថា មានជំនួបកក់ក្ដៅ និងបើកចំហរជាមួយអ្នកស្រី ស៊ូជី

លោក ឌិត សុខធី
| ១៦ កញ្ញា ២០១៧
ម៉ោង ១៥:២៧

រដ្ឋមន្ត្រីការបរទេសសិង្ហបុរី លោក Vivian Balakrishnan លើកឡើងថា លោកបានជួបជជែកជាមួយមេដឹកនាំភូមាអ្នកស្រី អ៊ុងសាន ស៊ូជី ប្រកបដោយភាពកក់ក្ដៅ និងបើកចំហរ។ នេះដោយយោងតាមការចុះផ្សាយរបស់សារព័ត៌មាន Channel News Asia។

សារព័ត៌មានសិង្ហបុរី បានចុះផ្សាយបែបនេះ បន្ទាប់ពីបានឃើញសារដែលលោក Vivian បានបង្ហោះនៅលើទំព័រហ្វេសប៊ុករបស់លោក នៅថ្ងៃនេះ មួយថ្ងៃក្រោយពីលោកបានជួបពិភាក្សាអំពីស្ថានភាពសិទ្ធិមនុស្សជាមួយជយលាភីពានរង្វាន់ណូបែលសន្តិភាព អ្នកស្រី ស៊ូជី នៅទីក្រុងណៃពិដោរ កាលពីថ្ងៃម្សិលមិញនេះ។

លោក Vivian បានរៀបរាប់បន្ថែមថា ជំនួបនោះក៏បានលើកឡើងពីរបៀបដែលអាស៊ាន និងប្រទេសភូមា អាចធ្វើការរួមគ្នាដើម្បីផ្ដល់ជំនួយមនុស្សធម៌ ទៅដល់សហគមន៍រងផលប៉ះពាល់ទាំងអស់នៅក្នុងវិបត្តិកំពុងបន្តកើតមាននៅរដ្ឋរ៉ាក់ឃីន។

ក្នុងសេចក្ដីថ្លែងការណ៍មួយកាលពីថ្ងៃទី៨ ខែកញ្ញា ប្រមុខកាទូតសិង្ហបុរីរូបនេះ បានជំរុញទៅគ្រប់ភាគីពាក់ព័ន្ធទាំងអស់នៅក្នុងជម្លោះនេះ ឲ្យបញ្ចៀសសកម្មភាពណាដែលជំរុញឲ្យស្ថានការណ៍កាន់តែអាក្រក់ថែមទៀត៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។