ព្រះមហាក្សត្របានដំឡើងឋានៈជំនួយការ និង សមាជិកក្រុមលេខារបស់លោកនាយករដ្ឋមន្ត្រី ហ៊ុន សែន ចំនួន៧ រូប ដែលមានឋានៈចាប់ពីអគ្គនាយក ទៅអនុរដ្ឋលេខាធិការ បន្ថែមលើឋានៈដែលកំពុងតែមាននៅពេលបច្ចុប្បន្ន។
ព្រះរាជក្រឹត្យចុះថ្ងៃទី១០ខែវិច្ឆិកា គឺបានដំឡើងឋានៈដល់មន្ត្រីទាំង៧រូបនេះ យោងតាមការស្នើរបស់លោកនាយករដ្ឋមន្ត្រីហ៊ុន សែន។
មន្ត្រីជាជំនួយការ និង លេខាទាំង៧រូបដែលទទួលបានការដំឡើងឋានៈនោះរួមមាន លោក សេង សុចិន្តា លោក ខាត់ សុគន្ធី លោក ខៀវ សុខា លោក មាន វុត្ថា លោក ឈឹម ផលវរៈរិទ្ធ លោក មាស សុគន្ធមុនី និង លោក ម៉ុក ច័ន្ទវាសនា។
