រដ្ឋមន្ត្រីការបរទេសរបស់អាមេរិកលោក Rex Tillerson ថ្លែងនៅថ្ងៃព្រហស្បតិ៍នេះថា អាមេរិកសន្យាប្រើសព្វាវុធរបស់ខ្លួន រួមទាំងអាវុធនុយក្លេអ៊ែផង ដើម្បីការពារសម្ព័ន្ធមិត្តរួមមានជប៉ុន និង កូរ៉េខាងត្បូង ចំពោះការគំរាមកំហែងណាមួយពីកូរ៉េខាងជើង។
លោក Tillerson ថ្លែងថា អាមេរិកនៅតែ យកចិត្តទុកដាក់ការពារសម្ព័ន្ធមិត្ត រួមទាំងសាធារណរដ្ឋកូរ៉េ និង ជប៉ុន ដោយបញ្ជាក់ថា ប្តេជ្ញាខ្វះខ្វែងយកចិត្តទុកដាក់ ការពារទាំងការទូតនិង ប្រើអាវុធនុយក្លេអ៊ែផងដើម្បីការពារសម្ព័ន្ធមិត្តតាមលទ្ធភាព។ ការថ្លែងបែបនេះ បន្ទាប់ពីកិច្ចប្រជុំជាមួយរដ្ឋមន្ត្រីការបរទេសនៃប្រទេសទាំងបី។នេះ បើតាមទីភ្នាក់ងារព័ត៌មានAFP។
កូរ៉េខាងជើងបានបាញ់មីស៊ីលជាថ្មីទៀតថ្មីៗនេះ បើទោះជាអង្គការសហប្រជាជាតិថ្កោលទោសកាលពីឆ្នាំមុនចំពោះការបាញ់សាកល្បងអាវុធនុយក្លេអ៊ែ និងមានការថ្កោលទោសពីជប៉ុន និង កូរ៉េខាងត្បូងក៏ដោយ៕