របាយការណ៍របស់សមត្ថកិច្ចបង្ហាញថា ថ្ងៃទី១៦ខែកុម្ភៈត្រូវថ្ងៃទី១នៃបុណ្យចូលឆ្នាំចិនដែលមានពលរដ្ឋធ្វើដំណើរច្រើននោះ គ្រោះថ្នាក់ចរាចរណ៍ទូទាំងប្រទេសបានសម្លាប់មនុស្សអស់១៤នាក់ និង របួសជិត៤០នាក់។
របាយការណ៍ពីនាយកដ្ឋានចរាចរណ៍ និង សណ្តាប់ធ្នាប់សាធារណៈនៃនគរបាលជាតិឲ្យដឹងថា គ្រោះថ្នាក់ចរាចរណ៍ទូទាំងប្រទេសថ្ងៃទី១៦កើតឡើង៣០លើក បណ្តាលឲ្យស្លាប់មនុស្ស១៤នាក់ និង រងរបួស៣៧នាក់។
មូលហេតុនៃគ្រោះថ្នាក់រួមមានបើកលើសល្បឿនកំណត់ មិនគោរពសិទ្ធិ មិនប្រកាន់ស្តាំ ប្រជែង និង បើកបរក្នុងស្ថានភាពស្រវឹងជាដើម។ គ្រោះថ្នាក់នេះបណ្តាលឲ្យខូចខាតរថយន្ត៥៣គ្រឿង។