ក្រុមប្រជាពលរដ្ឋនៅឃុំក្រយា លើកឡើងពីបញ្ហាជូនអ្នកតំណាងរាស្រ្តឲ្យជួយដោះស្រាយ

បងប្អូនប្រជាពលរដ្ឋប្រមាណជាង ២០គ្រួសារនៅឃុំក្រយា និងឃុំផាន់ញើម ស្រុកប្រាសាទបល្ល័ង្ក នាព្រឹកថ្ងៃទី១២ ខែមីនា ឆ្នាំ២០១៧ បានជួបចែករំលែកនូវបញ្ហាប្រឈមរបស់ខ្លួនជូនដល់ ឯកឧត្តម ជា អឿង អ្នកតំណាងរាស្ត្រមណ្ឌលកំពង់ធំ។

នៅក្នុងជំនួបនោះ ក្រុមប្រជាពលរដ្ឋបានលើកឡើងពីបញ្ហាប្រឈម និងសំណូមពរផ្សេងៗ ដើម្បីស្នើឲ្យមានដំណោះស្រាយជូនពួកគាត់ ដែលបញ្ហាទាំងនោះរួមមាន បំណុលជាមួយស្ថាប័នមីក្រូហិរញ្ញវត្ថុ និងបញ្ហាគ្រឿងញៀនជាដើម។  ជាការឆ្លើយតប ឯកឧត្តម ជា អឿង និងក្រុមការងារបានដោះស្រាយនិងឆ្លើយតបជូននូវបញ្ហាមួយចំនួន និងបានពន្យល់ប្រជាពលរដ្ឋជុំវិញការចំណាកស្រុកទៅប្រទេសថៃផងដែរ៕

ដោយពលរដ្ឋអ្នកសារព័ត៌មានខេត្តកំពង់ធំ លោក ហ៊ុន ឌីម៉ូ