ក្រសួងព្រមានពីភ្លៀងកក់ខែអាចនាំមកជាមួយផ្គរ រន្ទះ និងខ្យល់កន្ត្រាក់

ដោយ លោក ហួត វុទ្ធី​​ | ថ្ងៃសុក្រ ទី១៧ ខែមីនា ឆ្នាំ២០១៧​ ម៉ោង 11:37 AM | បរិស្ថាន | 0 | 4360

ប្រទេសកម្ពុជានឹងទទួលរងភ្លៀងកក់ខែបន្តទៀតក្នុងរដូវក្តៅនេះ ហើយក៏អាចនាំឲ្យមានផ្គរ រន្ទះ និងខ្យល់កន្ត្រាក់មកជាមួយផង។ នេះបើតាមការព្យាករណ៍របស់ក្រសួធនធានទឹក និងឧតុនិយម។

ការព្យាករណ៍អាកាសធាតុប្រចាំសប្តាហ៍គិតពីថ្ងៃទី១៧ដល់២៣ ​មីនា ២០១៧ របស់ក្រសួងធនធានទឹកនិងឧតុនិយមម្សិលមិញ ឲ្យដឹងថា កម្ពុជាកំពុងគ្របដណ្តប់ដោយកំរិតសម្ពាធទាប ហើយភ្លៀងកក់ខែ​បន្តធ្លាក់នៅតាមបណ្តារខេត្តតំបន់វាលទំនាបមានដូចជាខេត្តពោធិសាត់​ បាត់ដំបង បន្ទាយមានជ័យ សៀមរាប កំពង់ធំ និងខេត្តព្រៃវែង។ ចំណែកបណ្តារខេត្តតំបន់ខ្ពង់រាបភាគខាងជើង និងឦសាន្តមានដូចជា ខេត្តព្រះវិហារ ឧត្តរមានជ័យ កំពង់ចាម ត្បូងឃ្មុំ ក្រចេះ និងខេត្តមណ្ឌលគិរី។ តំបន់មាត់សមុទ្រដែលអាចមានភ្លៀងកក់ខែដែរ គឺមានតែខេត្តកោះកុងមួយទេ។

ការព្យាករណ៍ឲ្យដឹងដែរថា កំរិតកំដៅខ្ពស់បំផុតក្នុងសប្តាហ៍ខាងមុខនេះ គឺពី៣២ទៅ៣៥អង្សាសេ។

ក្រសួងក៏បានរំលឹកឲ្យប្រុងប្រយ័ត្នចំពោះបាតុភូត ផ្គរ រន្ទះ និងខ្យល់កន្ត្រាក់ដែលអាចកើតមានឡើង នៅពេលមេឃរកកលភ្លៀង។

កាលពីសប្តាហ៍មុន នៅឯភាគ្យពាយព្យប្រទេសកម្ពុជា រួមមានខេត្តបាត់ដំបង និងខេត្តប៉ៃលិន បានទទួល​រងភ្លៀងកក់ខែធ្លាក់លាយឡំជាមួយនឹងខ្យល់កន្ត្រាក់ធ្វើឲ្យខូចផ្ទះនិងទ្រព្យសម្បត្តិរបស់ប្រជាពលរដ្ឋមួយចំនួន៕

សរសេរមកកាន់ លោក ហួត វុទ្ធី តាមរយៈ hourtvuthy@vodhotnews.com

Loading...

ចាប់អារម្មណ៍នឹងព័ត៌មានប្រភេទនេះ? ចុះឈ្មោះដើម្បីទទួលបានព័ត៌មានថ្មីៗ

Fields marked with an * are required