មន្ទីរពេទ្យមិត្តភាពខ្មែរ-សូវៀត បានប្រកាសឲ្យសាធារណជនទៅទទួលការព្យាលបាលជំងឺភ្នែកឡើងបាយ គឺពេទ្យនេះទទួលការវះកាត់ដោយឥតគិតថ្លៃ។
តាមសេចក្តីជូនដំណឹងរបស់មន្ទីរពេទ្យមិត្តភាពខ្មែរ-សូវៀត ចេញផ្សាយនៅថ្ងៃទី១៧ខែកុម្ភៈបានឲ្យដឹងថា ការព្យាលបាលដោយឥតគិតថ្លៃនេះ មានរយៈពេល៥ថ្ងៃគឺចាប់ពីថ្ងៃទី២០ដល់ថ្ងៃទី២៤ខែកុម្ភៈឆ្នាំ២០១៧។
បើតាមទស្សនាវដ្តីសុខភាពឲ្យដឹងថា ជំងឺភ្នែកឡើងបាយ គឺជាការវិវត្តន៍នូវស្នាមសបាំងកញ្ចក់ភ្នែកដោយមិនមានការឈឺចាប់ទេ ប៉ុន្តែជំងឺនេះធ្វើឲ្យអ្នកជំងឺពិបាកមើលហើយ វាអាចវិវត្តន៍បណ្តាលឲ្យពិការភ្នែកទាំងស្រុងទៀតផង បើមិនទទួលបានការព្យាបាលត្រឹមត្រូវ។