សាធារណជនបានផ្ទុះការរិះគន់លើមធ្យោបាយធ្វើដំណើរសាធារណៈ នៅក្នុងតំបន់ Bishan បន្ទាប់ពីស្ថានីយ៍គ្រប់អ្នកដំណើរនៅទីនោះ បានពន្យារពេលប្រមាណ១ម៉ោង ធ្វើឲ្យសិស្សទៅសាលាយឺតយ៉ាវមិនទាន់ការប្រឡងនៅព្រឹកថ្ងៃសុក្រនេះ។
តាមការចុះផ្សាយរបស់សារព័ត៌មាន Channel News Asia បានឲ្យដឹងថា សិស្សដែលទៅប្រឡងមិនទាន់នៅព្រឹកថ្ងៃសុក្រនេះ រួមមានសាលាអនុវិទ្យាល័យចំនួន៦ ហើយមានសិស្សជាច្រើនបានកកស្ទះនៅស្ថានីយ៍ Bishsan Park។
សិស្សបាននិយាយថា ពួកត្រូវរង់ចាំនៅស្ថានីយ៍ Bishsan Park ប្រើពេលអស់ប្រមាណពី៣០នាទីមួយម៉ោង ទើបទៅសាលាមិនទាន់ម៉ោង។ ចំណែកខាងស្ថានីយ៍បានបញ្ជាក់ក្នុងលិខិតសុំទៅទៅឲ្យសិស្សម្នាក់ៗយកទៅឲ្យសាលារៀន ដើម្បីបញ្ជាក់ពីភាពយឺតយ៉ាវនេះ ដោយសារមធ្យោបាយធ្វើដំណើររបស់រដ្ឋ។
មធ្យោបាយធ្វើដំណើរនៅ Bishsan កំពុងស្ថិតនៅក្នុងការសាងសង់បន្ថែមទាំងនៅលើដី និងនៅក្រោយដីមួយចំនួនទៀត។ ទោះយ៉ាងណាខាងសាលា បានប្រតិកម្មថា បើមានការយឺតយ៉ាវដូច្នេះត្រូវបានការជូនដំណឹងមុនដល់សាលាដើម្បីងាយស្រួលក្នុងការចាត់ចែងការងារ៕
