សារព័ត៌មាន Channel News Asia បានចុះផ្សាយថា មនុស្ស ៥នាក់ បានលង់ទឹកស្លាប់ បន្ទាប់ពីពួកគេរត់គេចចេញពីការចាប់ខ្លួននៅក្នុងប្រតិបត្តិការបង្ក្រាបសង្វៀនជល់មាន់ពីសំណាក់អាជ្ញាធរម៉ាឡេស៊ី នៅភាគខាងជើងរដ្ឋកេដាហ៍ កាលពីថ្ងៃម្សិលមិញនេះ។
សារព័ត៌មានសិង្ហបុរី បានចុះផ្សាយបន្តថា បុរស ៥នោះស្ថិតក្នុងវ័យ ៤០ ទៅ ៥០ឆ្នាំ បានជាប់ពាក់ព័ន្ធនឹងសង្វៀនល្បែងជល់មាន់ធំបំផុតនៅក្នុងរដ្ឋមួយនេះ។
អាជ្ញាធរម៉ាឡេស៊ីបានបើកប្រតិបត្តិការបង្ក្រាបសង្វៀនជល់មាន់ដ៏ធំមួយស្ថិតនៅក្នុងចម្ការដូងប្រេង នៅតំបន់គួឡាកេទីល ដោយចាប់មនុស្សពាក់ព័ន្ធប្រហែល ២០០នាក់៕