សមត្ថកិច្ចរបស់អាល្លឺម៉ង់បានថ្លែងថា ពួកគេបើកការបង្ក្រាបលើទីតាំងជួញដូរផ្លូវភេទចំនួន៦២កន្លែង ឃាត់ខ្លួនមនុស្សចំនួន៧នាក់ ហើយបើកការស៊ើបអង្កេតបន្តលើសកម្មភាពជួញដូរស្រី និង អ្នកប្តូរភេទពីប្រទេសថៃទៅអាល្លឺម៉ង។
រដ្ឋអាជ្ញានៅទីក្រុងFrankfurt ថ្លែងថា យុទ្ធនាការបង្ក្រាបលើកន្លែងជួញដូរផ្លូវភេទកាលពីម្សិលមិញធ្វើឡើងទូទាំងប្រទេស ហើយជនសង្ស័យដែលជាមជួញដូរស្ត្រីនិងអ្នកកែភេទពីថៃនោះគឺស្ត្រីជនជាតិថៃម្នាក់អាយុ៥៩ឆ្នាំ និងមិត្តប្រុសរបស់នាងអាយុ៦២ឆ្នាំជាជនជាតិអាល្លឺម៉ង់។ នេះបើតាមសារព័ត៌មានបាងកកប៉ុស្តិ៍របស់ថៃ។
អាជ្ញាធរអាល្លឺម៉ង់រកឃើញថា គូស្នេហ៍មួយគូនេះ មានផ្ទះបនចំនួន៣កន្លែងនៅភាគខាងលិចនៃទីក្រុងSiegen ជាទីកន្លែងដែលមានប្រជាជនថៃច្រើនរស់នៅទីនោះ។
ក្រៅពីឃាត់ខ្លួនអ្នកពាក់ព័ន្ធចំនួន៧នាក់នោះ សមត្ថកិច្ចក៏បានឃាត់ខ្លួនស្ត្រី និងអ្នកប្តូរភេទចំនួន៣២នាក់ ហើយកំពុងបើកការស៊ើបអង្កេតលើមន្ត្រីនិងអ្នកពាក់ព័ន្ធមួយចំនួនទៀត។
ករណីនេះ សមត្ថកិច្ចអាល្លឺម៉ង់បើការស្រាវជ្រាវ តាំងពីខែកុម្ភៈឆ្នាំ២០១៧មក មុនពេលវាយឆ្មក់ចូលទីតាំងដែលពួកគេរកឃើញទាំងនេះ។