រដ្ឋាភិបាលនៃប្រទេសហ្វីលីពីនប្រកាសផ្អាកការបញ្ជូនពលករទៅធ្វើការនៅប្រទេសគុយវ៉ែត បន្ទាប់ពីស្រាវរកជ្រាវឃើញថា មានការរំលោភបំពានផ្លូវភេទទើបបណ្តាលឲ្យស្រី្តជនជាតិហ្វីលីពីនធ្វើការតាមផ្ទះនៅទីនោះចំនួន៤នាក់ធ្វើអត្តឃាត។
ប្រធានាធិបតីហ្វីលីពីន លោក រ៉ូទ្រីហ្គោ ឌូទើតេ ថ្លែងថា ស្រ្តីជនជាតិហ្វីលីពីនជាច្រើននាក់ដែលធ្វើការនៅប្រទេសគុយវ៉ែត ទទួលរងការឈឺចាប់ដោយសារការំលោភបំពានផ្លូវភេទ។ នេះបើតាមសារព័ត៌មានBBC។
ក្តីបារម្ភពីបញ្ហានេះបានកើតឡើងនៅក្នុងប្រទេសហ្វីលីពីននៅក្នុងខែមករានេះ នៅពេលដែលស្ត្រីជនជាតិហ្វីលីពីន ស្លាប់ជាបន្តបន្ទាប់ហើយបញ្ជូនទៅប្រទេសកំណើតវិញ ដោយប្រាប់ហេតុផលថា ធ្វើអត្តឃាត ប៉ុន្តែក្រុមគ្រួសារអះអាងថា លើខ្លួនសាកសពមានរបួស។
បច្ចុប្បន្នពលរដ្ឋហ្វីលីពីនប្រមាណ២៥០ ០០០នាក់ កំពុងតែធ្វើការនៅក្នុងប្រទេសគុយវ៉ែត។ ហើយបើតាមក្រសួងការបរទេសហ្វីលីពីនគឺអ្នកទាំងនេះភាគច្រើនជា ស្ត្រីធ្វើការនៅតាមផ្ទះ។
