ការជួញដូរអាវុធលើពិភពលោក​កើនឡើង​នៅ៥ឆ្នាំចុងក្រោយនេះ​

ការសិក្សាមួយបានបង្ហាញនៅថ្ងៃចន្ទនេះ ឲ្យដឹងថា ការជួញដូរអាវុធមានកម្រិតខ្ពស់បំផុតចាប់តាំងពីសង្គ្រាមត្រជាក់បានបញ្ចប់នោះ គឺកើនឡើងនៅ៥ឆ្នាំចុងក្រោយ ដែលមានតម្រូវការខ្លាំងនៅមជ្ឈឹមបូព៌ានិងតាមបណ្តាប្រទេសនៅអាស៊ី។​

តាមការសិក្សារបស់វិទ្យាស្ថាន​ស្រាវជ្រាវសន្តិភាពអន្តរជាតិមានមូលដ្ឋាននៅប្រទេសស្វីស(​SIPRI) បានឲ្យដឹងថា ចន្លោះឆ្នាំ២០១២ ដល់ឆ្នាំ២០១៦ ការនាំចូលអាវុធនៅតាមបណ្តាប្រទេសនៅអាស៊ី និង មជ្ឈឹមបូព៌ា មានប្រមាណ៤៣% នៃតម្រូវការអាវុធនៅលើពិភពលោក ដែលចំនួននេះកើនឡើង​៧,៧% បើប្រៀបធៀបចន្លោះឆ្នាំ​២០០៧ ដល់២០១១។​ នេះបើតាមទីភ្នាក់ងារព័ត៌មាន ​AFP។​

វិទ្យាស្ថាននោះបញ្ជាក់ថា ការដឹកជញ្ជូនទ្រង់ទ្រាយធំ​ពីឆ្នាំ២០១២ដល់២០១៦ បានកើនដល់ចំនួនខ្ពស់បំផុតក្នុងរយៈពេល៥ឆ្នាំចុងក្រោយ ចាប់តាំងពីសង្គ្រាមត្រជាក់បានបញ្ចប់។​

ប្រទេស Saudi Arabia ជាប្រទេសធំបំផុតលំដាប់ទី២នៃការនាំអាវុធចូលនៅលើពិភពលោកក្នុងឆ្នាំ២០១២ បន្ទាប់ពីឥណ្ឌា ពេលដែលប្រឈមជាមួយចិន។​

សហរដ្ឋអាមេរិក នៅតែជាប្រទេសកនាំចេញអាវុធច្រើនជាងគេ​គឺ៣៣% ទៅទីផ្សារពិភពលោក បន្ទាប់មករុស្ស៊ី ២៣% ចិន​៦,២%  បារាំង ៦,០% និង អាល្លឺម៉ង់ ៥,៦ %។​ ប្រទេសទាំង៥នេះ នាំចេញអាវុធប្រមាណ​៧៥% នៃចរន្តលក់ដូរអាវុធលើពិភពលោក៕