សមត្ថកិច្ចថៃនិងព្រះសង្ឃវត្តធម្មកាយប៉ះទង្គិចគ្នានៅថ្ងៃនេះ

ព្រះសង្ឃនិងនគរបាលថៃបានប៉ះទង្គិចគ្នានៅថ្ងៃចន្ទនេះ នៅវត្តកាន់ពុទ្ធសាសនាធំមួយនៅជាងក្រុងបាងកក នៅពេលដែលកម្លាំងសមត្ថកិច្ចព្យាយាមចូលទៅឃាត់ព្រះកាយចៅអធិការវត្តដែលមានឥទ្ធិពលមួយដែលចោទពីបទលាងលុយកខ្វក់។​

ការប្រឈមមុខគ្នានេះ នៅវត្តធម្មកាយ ដែលជាវត្តលេខធ្លោមួយកំពុងប្រឈមមុខជាមួយ រដ្ឋាភិបាលយោថៃ ដែលរដ្ឋប្រហារឡើងកាន់អំណាចកាលពីឆ្នាំ២០១៤កំពុងព្យាយាមរំលាយវត្តនេះ។​

នគរបាលនិយាយថា ពួកព្យាយាមសម្រុកចូលក្នុងវត្តដើម្បីឃាត់ព្រះកាយចៅអធិការវត្តព្រះតេជគុណ​ Dhammachayo និង បញ្ចៀសកុំឲ្យមានហិង្សាជាមួយអ្នកប្រតិបត្តិធម៌នៅទីនោះ។​

ភាពតានតឹងកើតឡើង​៤ថ្ងៃមកនេះ ចាប់តាំងពី រដ្ឋាភិបាលយោធា បានចេញបញ្ជាឲ្យកម្លាំងសម្រុកចូលក្នុងវត្តមួយនេះ ហើយឈានដល់ការរុញច្រានគ្នារាងព្រះសង្ឃ និង កម្លាំងសមត្ថកិច្ច។​ ទោះយ៉ាងណា សមត្ថកិច្ចថៃនៅមិនទាន់ស្វែងរកចៅអធិការវត្តនោះឃើញនៅឡើយ។​

ប៉ុន្តែអ្នកថតរូបឲ្យទីភ្នាក់ងារព័ត៌មានរ៉យទ័រ ដែលតាមដាន ករណីនេះ ថ្លែងថា មិនមានអ្នករងរបួសធ្ងន់ដោយសារករណីនេះទេ៕