រដ្ឋាភិបាលអូស្ត្រាលី នឹងកែសម្រួលលក្ខខណ្ឌកាន់តែងលំបាក ចំពោះអ្នកចំណាកស្រុកពីប្រទេសផ្សេងៗសុំសិទ្ធិជាប្រជាពលរដ្ឋនៃប្រទេសនេះ។
ដំណើរការចំពោះការសុំសិទ្ធិជាពលរដ្ឋត្រូវឆ្លងកាត់ការសាកល្បងសមត្ថភាពផ្នែកភាសាអង់គ្លេស និង សមត្ថភាពអាចដឹងពីតម្លៃរបស់ប្រជាពលរដ្ឋអូស្ត្រាលី។ នេះជាការថ្លែងរបស់នាយករដ្ឋ Malcolm Turnbull។
សារព័ត៌មាន BBC បានចុះផ្សាយទៀតថា អ្នកស្នើសុំសិទ្ធិជាពលរដ្ឋត្រូវបំពេញលក្ខខណ្ឌរស់នៅទីនោះអចិន្ត្រៃយ៍៤ឆ្នាំ គឺពីមុនត្រូវការពេលតែ១ឆ្នាំ។
ការប្រកាសរឹតបន្តឹងនេះ ចាប់ផ្តើមឡើងបន្ទាប់ពីរថ្ងៃក្រោយពេល អូស្ត្រាលីរឹតបន្តឹងលក្ខខណ្ឌចំពោះ កម្មករជំនាញឆ្លងប្រទេស។
លោកTurnbull ថ្លែងថា ការផ្លាស់ប្តូរដើម្បីបញ្ជាក់ថា អ្នកចំណាកស្រុក ងាយស្រូលក្នុងការធ្វើសមាហរកម្ម ឬ សម្របខ្លួនរស់នៅជាមួយប្រជាពលរដ្ឋអូស្រ្តាលី។លោកពន្យល់ថា អ្នកធ្វើចំណាកស្រុក ត្រូវតែមានការយល់ដឹងពីការគាំទ្រលើសេរីភាពសាសនា និង យ៉េនឌ័រ ឬ សិទ្ធិស្មើគ្នានៃភេទ គឺការគោរពសិទ្ធិស្ត្រី និង កុមារគឺជាគុណតម្លៃរបស់អូស្ត្រាលី។ លោកថា ហិង្សាក្នុងគ្រួសារជាអំពើដែលមិនអាចអត់ឱនឲ្យបាននោះទេ៕