អ្នកដំណើរជាង៣០នាក់ បានស្លាប់ ក្នុងហេតុការណ៍ក្រឡាប់រថភ្លើងនៅព្រឹកថ្ងៃអាទិត្យនេះ នៅភាគខាងជើងនៃរដ្ឋអ៊ុតា ប្រាដេស ប្រទេសឥណ្ឌា ។
មន្ត្រីគ្រប់គ្រងផ្លូវដែកបានថ្លែងថា រថភ្លើងដែលក្រឡាប់ ធ្វើដំណើរចេញពីភាគខាងជើងនៃទីក្រុង Patna ទៅភាគកណ្តាលនៃទីក្រុង Indore ហើយបានជួបគ្រោះថ្នាក់ដោយសារ រថភ្លើងរថធ្លាក់ផ្លូវ។ នេះបើតាមសារព័ត៌មានChannel News Asia។
ក្រោយហេតុការណ៍នេះ មន្ត្រីគ្រប់គ្រង់ផ្លូវដែក បានបញ្ជាក់ថា មានអ្នកស្លាប់៣០នាក់ ប៉ុន្តែអ្នកសារព័ត៌មានក្នុងស្រុកបានចុះផ្សាយថា ចំនួនអ្នកស្លាប់មានដល់៤៥នាក់ និង ១៥០នាក់ រងរបួស។
ឥណ្ឌាគឺជាប្រទេសដែលមានមានប្រព័ន្ធផ្លូវរថភ្លើងធំលំដាប់ទី៤នៅលើពិភពលោក ដែលមានពលរដ្ឋធ្វើដំណើរជាមធ្យមជាង២០លាននាក់ក្នុង១ថ្ងៃៗ ប៉ុន្តែត្រូវបានអ្នកសិក្សាស្រាវជ្រាវលើកឡើងថា ប្រព័ន្ធដឹកជញ្ជូននេះ មានសុវត្ថិភាពទាបបំផុត។