អន្តរជាតិ

យន្តហោះធុនតូចមួយគ្រឿងធ្លាក់ឆេះនៅលើផ្សារទំនើបនៅអូស្ត្រាលី

លោក ឌិត សុខធី
| ២១ កុម្ភៈ ២០១៧
ម៉ោង ០៩:៥៦

យន្តហោះតូចមួយដឹកមនុស្ស ៥នាក់ បានធ្លាក់ឆេះទៅលើផ្សារទំនើបមួយកន្លែង នៅជិតព្រលានយន្តហោះមួយ នៅទីក្រុងមែលប៊ន នៅថ្ងៃនេះ ហើយក្រុមមន្ត្រីនិយាយថា គេមិនទាន់ដឹងពីចំនួនមនុស្សស្លាប់ពិតប្រាកដនៅឡើយទេ។ នេះដោយយោងតាមការចុះផ្សាយរបស់សារព័ត៌មាន Channel News Asia។

រូបភាពពីទូរទស្សន៍ Sky News បានបង្ហាញផ្សែងឆេះហុយចេញពីផ្សារទំនើបនោះ ស្ថិតនៅជិតព្រលានយន្តហោះ អៃសេនដន ដែលស្ថិតនៅជិតនឹងទីក្រុងមែលប៊ុន ហើយក្រុមពន្លត់អគ្គិភ័យបានព្យាយាមបាញ់ទឹកពន្លត់ភ្លើងឆាបឆេះកម្ទេចបាក់បែកនោះ។

មន្ត្រីអូស្ត្រាលី បានឲ្យដឹងថា មនុស្ស ៥នាក់ ស្ថិតនៅលើយន្តហោះនោះ ដែលហោះហើរសំដៅទៅកោះឃីង ស្ថិតនៅចន្លោះអូស្ត្រាលី និងរដ្ឋតាស្មានៀ។

ប៉ូលិសអូស្ត្រាលីនិយាយថា យន្តហោះនោះបានធ្លាក់ឆេះនៅមុនម៉ោង ៩ព្រឹក ឬត្រូវនឹងម៉ោង ៦ព្រឹក ម៉ោងនៅក្នុងប្រទេសកម្ពុជា៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។