មន្ដ្រីរដ្ឋាភិបាលកម្ពុជាថ្លែងថា ប្រទេសចិននិងឥណ្ឌា គ្រោងជួសជុលប្រាសាទព្រះវិហារនិងប្រាសាទមួយចំនួនទៀត នៅក្នុងតំបន់រមណីយដ្ឋានកោះកេរដោយថា ដើម្បីអោយរក្សាបានភាពល្អប្រសើរ។
ប្រធានអាជ្ញាធរជាតិព្រះវិហារលោក គឹម សេតារា មានប្រសាសន៍ថា តួប្រាសាទព្រះវិហារដែលត្រូវជួសជុលមាន៥កន្លែងសំខាន់ៗដែលកំពុងទ្រុឌទ្រោម។ ចំណែកប្រាសាទកោះកេរក៏ត្រូវជួសជុលលើផ្នែកមួយចំនួនដែរ។
លោកគឹម សេតារា ក៏បានលើកឡើងទៀតថា បច្ចុប្បន្នប្រាសាទព្រះវិហារកំពុងជួបបញ្ហាប្រ ឈមខ្វះទឹកក្រោមដីដែលអាចប៉ះពាល់ដល់គ្រឹះប្រាសាទ។
