បេក្ខជនជ្រើសតាំងសម្រាប់បោះឆ្នោតប្រធានាធិបតីអាមេរិកមកពីគណបក្សសាធារណរដ្ឋ លោក ត្រាំ ថ្លែងថា ពេលលោកជាប់ឆ្នោតជាប្រធានាធិបតីអាមេរិកនឹងអាចបោះបង់ការធានាក្នុងការការពារប្រទេសជាមិត្តក្នុងចំណោមប្រទេសសម្ព័ន្ធណាតូ។
ថ្លែងប្រាប់ New York Times លោក ត្រាំ ថ្លែងថាអាមេរិកនឹងជួយការពារតែសម្ព័ន្ធមិត្តពេលគេជួបបញ្ហា ដោយលោកចាត់ទុកថានេះជាការកាតព្វកិច្ច។ ប្រទេសជាសមាជិកអង្គការណាតូបានចុះហត្ថលេខាលើសន្និសញ្ញា ដែលបញ្ជាក់ថា ពួកគេនឹងជួយសមាជិករបស់ខ្លួន ពេលណាដែលមានការវាយប្រហារកើនឡើងនោះ។ នេះបើតាមសារព័ត៌មាន BBC។
ណាតូ(Nato)គឺជាអង្គការសន្និសញ្ញាអាត្លង់ទិចខាងជើង បង្កើតឡើងកាលពីថ្ងៃទី៤ខែមេសាឆ្នាំ១៩៤៩។ អង្គការនេះបង្កើតឡើងដោយប្រទេសនៅអឺរ៉ុបនិងអាមេរិកខាងជើង។ បច្ចុប្បន្នណាតូមាន២៨ប្រទេសជាសមាជិក រួមមានសហរដ្ឋអាមេរិក បារាំង អង់គ្លេស អាល្លឺម៉ង់ កាណាដាជាដើម។
