អគ្គីភ័យបានឆាបឆេះព្រៃនៅក្រុងពោធិ៍សាត់បណ្តាលឲមានការភ្ញាក់ផ្អើលយ៉ាងខ្លាំងដល់ប្រជាពលរដ្ឋ។ ហេតុការនេះបានកើតឡើងនៅថ្ងៃទី២២ ខែមេសា ឆ្នាំ២០១៦ វេលាម៉ោង ០១:៣០នាទីរសៀលនៅភូមិទួលគ្រួស សង្កាត់ចំរើនផល ក្រុងពោធិ៍សាត់ ខេត្តពោធិ៍សាត់ ចំនុចសាលារៀនអនុវិទ្យាល័យទួលគ្រួស។
ឯកឧត្តម ចាប នាង អភិបាល នៃគណៈអភិបាលក្រុងពោធិ៍សាត់ បានដឹងនាំរថយន្តពន្លត់អគ្គីភ័យចំនួនពីរគ្រឿង និងត្រាក់ទ័ររបស់អ្នកភូមិមួយគ្រឿង មានអាជ្ញាធរក្នុងភូមិ ប៉ូលីស ប៉េអឹម ទារហ៊ាន និងប្រជាពលរដ្ឋ រួមកម្លាំងគ្នាវាយពន្លត់ភ្លើងរហូតដល់រលត់អស់ទាំងស្រុង។
ពុំមានអ្នករងរបួសក្នុងហេតុការណ៍នេះទេ ក៏ប៉ុន្តែភ្លើងបានឆាបឆេះដំណាំរបស់ប្រជាពលរដ្ឋអស់ជាច្រើន និងឆេះជញ្ជាំងផ្ទះបន្តិចបន្តួច។
គួររំលឹកថា កាលពីថ្ងៃទី០១ ខែមិនា ឆ្នាំ២០១៦កន្លងមកក៏មានហេតុការណ៍បែបនេះកើតឡើងម្តងដែរប៉ុន្តែនៅមិនទាន់រកមូលហេតុឃើញនៅឡើយ។