អ្នកនាំពាក្យសេតវិមាន លោក Sean Spicer បានលាលែងចេញពីតំណែងហើយកាលពីថ្ងៃយប់មិញនេះ ចំពេលមានភាពរំជើបរំជួលនៅក្នុងរង្វង់មនុស្សផ្ទៃក្នុងរបស់ប្រធានាធិបតី ដូណាល់ ត្រាំ។ នេះដោយយោងតាមការចុះផ្សាយរបស់ទីភ្នាក់ងារព័ត៌មាន Reuters។
ខណៈដែលរឿងនេះមិនមែនជារឿងចម្លែកនោះ ការចាកចេញរបស់លោក Spicer មានលក្ខណៈរកាំរកូស និងឆ្លុះបញ្ចាំងឲ្យឃើញពីភាពច្របូកច្របល់នៅក្នុងក្រុមព័ត៌មាន និងច្បាប់របស់លោក ត្រាំ ចំពេលដែលមានការស៊ើបអង្កេតបន្ថែមទៀតទៅលើទំនាក់ទំនងរវាងក្រុមឃោសនារបស់លោក ត្រាំ និងការលូកលាន់របស់រុស្ស៊ីចូលក្នុងការបោះឆ្នោតកាលពីឆ្នាំ២០១៦។
អ្នកស្រី Sarah Sanders ត្រូវបានតែងតាំងជាអ្នកនាំពាក្យថ្មីរបស់សេតវិមាន អំឡុងពេលសន្និសីទសារព័ត៌មានដ៏ខ្លីមួយកាលពីយប់មិញនេះ។ ចំណែកលោក Anthony Scaramucci ដែលជាអតីតអ្នកហិរញ្ញវត្ថុនៅ Wall Street នោះ ត្រូវបានតែងតាំងជាមន្ត្រីទំនាក់ទំនងកំពូលថ្មីនៃរដ្ឋបាលលោក ត្រាំ៕
