ក្រុមហ៊ុន Skype អំពុងតែផ្ញើសារដល់អតិថិជនរបស់ខ្លួននៅក្នុងប្រទេសចិន ឲ្យលុបចោលកម្មវិធីរបស់ខ្លួនមួយរយៈសិន ដោយថានេះជាការហាមឃាត់ពីសំណាក់រដ្ឋាភិបាលចិន។
ការប្រកាសឲ្យលុបចោលកម្មវិធីនេះ បញ្ឈប់មិនឲ្យបន្តប្រើប្រាស់ដោយសារតែរដ្ឋាភិបាលចិនថ្លែងថា បណ្តាញទំនាក់ទំនងសង្គម Skype នេះ ដំណើរការខុសពីច្បាប់នៅក្នុងប្រទេសចិន។
អ្នកគ្រប់គ្រង Skype ជាផ្នែកមួយនៃក្រុមហ៊ុន Microsoft បានថ្លែងប្រាប់សារព័ត៌មាន BBC ថា app របស់កម្មវិធីនេះត្រូវលុបចោលជាបណ្តោះអាសន្ន ហើយថាពេលនេះខាងក្រុមហ៊ុន កំពុងតែធ្វើការងារជាមួយរដ្ឋាភិបាលចិនដើម្បីអាចដំណើរការកម្មវិធីនេះឡើងវិញ។
ក្រុមហ៊ុន Microsoft បញ្ជាក់ថា ពួកគេកំពុងតែខិតខំប្រឹងប្រែងក្នុងការផ្តល់ផលប្រយោជន៍ឲ្យអ្នកប្រើប្រាស់នៅទូទាំងពិភពលោកដើម្បីងាយស្រួលក្នុងការទំនាក់ទំនងលើការងារផ្សេងៗ៕