ប្រធានគណៈកម្មាធិការព្រំដែនកម្ពុជា ដែលមានមូលដ្ឋាននៅក្នុងប្រទេសបារាំង ហើយតែងតែចេញមុខរិះគន់ជុំវិញបញ្ហាព្រំដែនកម្ពុជា-វៀតណាមនោះ បានទទួលមរណភាពកាលពីថ្ងៃអង្គារម្សិលមិញ។
តាមសាររំលែកទុក្ខរបស់សមាគមន៍គ្រូបង្រៀនកម្ពុជាឯករាជ្យ និង ក្រុមប្រឹក្សាឃ្លាំមើលកម្ពុជា បានឲ្យដឹងថា លោក ស៊ាន ប៉េងសែ បានទទួលមរណភាព កាលពីថ្ងៃទី២៣ ខែមករា ឆ្នាំ២០១៨ វេលាម៉ោង៤ទៀបភ្លឺ ដោយរោគាពាធ នៅមន្ទីរពេទ្យ ទីក្រុងប៉ារីស ប្រទេសបារំាង ក្នុងជន្មាយុ៨២ឆ្នាំ។
លោក ស៊ាន ប៉េងសែ តែងតែបកស្រាយពីការកំណត់របស់បារាំងលើព្រំដែនកម្ពុជា និង វៀតណាម។ លោក ក៏ជាអ្នកដែលចោទប្រកាន់រដ្ឋាភិបាលក្រោមការដឹកនាំរបស់លោកនាយករដ្ឋមន្ត្រីហ៊ុន សែនថា ធ្វើឲ្យបាត់បង់ទឹកដី និងដែនកោះមួយចំនួនរួមទាំងកោះត្រល់ទៅវៀតណាម ប៉ុន្តែរាល់ការចោទប្រកាន់ទាំងនោះតែងតែត្រូវបានច្រានចោលពីលោកនាយករដ្ឋមន្ត្រី ហ៊ុន សែន៕