យ៉ាងហោចណាស់មនុស្សចំនួន៨នាក់ ត្រូវបានឃាត់ខ្លួន ពាក់ព័ន្ធការវាយប្រហារនៅជិតវិមានរដ្ឋសភារបស់អង់គ្លេស កាលពីថ្ងៃពុធ ដែលបានបណ្តាលឲ្យមនុស្ស៤នាក់ស្លាប់ និង២៩នាក់ផ្សេងទៀតរងរបួស។
កាលពីថ្ងៃព្រហស្បតិ៍ម្សិលមិញ សមត្ថកិច្ចបានឆ្មក់ចូលផ្ទះពលរដ្ឋមួយចំនួន ដែលសង្ស័យក្រុមវាយប្រហារបានលាក់ខ្លួននៅ។ មន្ត្រីនគរបាលនៅ Metropolitan ថ្លែងថា ពួកគេបានស្វែងរកអ្នកពាក់ព័ន្ធការវាយប្រហារនោះ បន្តទៀត ខណៈមនុស្ស៤នាក់ត្រូវបានឃាត់ខ្លួន។ នេះបើតាមសារព័ត៌មាន Channel News Asia។
ទោះយ៉ាងណា នគរបាលបញ្ជាក់ថា ពួកគេមិនទាន់អាចបង្ហាញអត្តសញ្ញាណនិងព័ត៌មានលម្អិតផ្សេងៗទៀត ពាក់ករណីនេះទេ ព្រោះស្ថិតនៅក្នុងដំណើរការស៊ើបអង្កេត។
ចំពោះការវាយប្រហារនោះ ពួកក្រុមភេរវកម្មរដ្ឋឥស្លាមបញ្ជាក់ថា សកម្មភាពនេះជា យុទ្ធនាការរបស់ក្រុមពួកគេ។ ប៉ុន្តែមិនទាន់ទទួលបានសារគំរាមផ្សេងៗទៀតនោះទេ៕