សហគមន៍ខ្មែរកម្ពុជាក្រោម នៅព្រឹកថ្ងៃនេះ កំពុងរំលឹកខួបនៃការកាត់ទឹកដីកម្ពុជាក្រោមទៅឲ្យវៀតណាមថ្ងៃ០៤ មិថុនា នៅឯវត្តចាស់ ក្នុងសង្កាត់ជ្រោយចង្វា ទៅតាមការគ្រោងទុករបស់ពួកគេ។
នៅលើទំព័រហ្វេសប៊ុករបស់ខ្លួន សហគមន៍ខ្មែរកម្ពុជាក្រោម បានឲ្យដឹងថា ពិធីរំលឹកខួបនៃការបាត់បង់ទឹកដីកម្ពុជាក្រោម ត្រូវបានរៀបចំឡើងក្រោមអធិបតីភាព សម្ដេច ស៊ីសុវត្ថិ ពង្សនារី មុនីពង្ស ជាព្រះរាជតំណាងរបស់ព្រះមហាក្សត្រ។
បើតាមកម្មវិធី សហគមន៍ខ្មែរកម្ពុជាក្រោមជួបជុំគ្នារៀបចំពិធីតាមបែបសាសនា ដើម្បីចងចាំការបាត់បង់ទឹកដីកម្ពុជាក្រោម ដែលត្រូវបានបារាំងកាត់ទៅឲ្យវៀតណាមកាលពីថ្ងៃទី០៤ ខែមិថុនា ឆ្នាំ១៩៤៩។
សាលារាជធានីភ្នំពេញ កាលពីដើមសប្ដាហ៍នេះ បានសម្រេចអនុញ្ញាតឲ្យសហគមន៍ខ្មែរកម្ពុជាក្រោមរៀបចំពិធី ប៉ុន្តែមិនអនុញ្ញាតឲ្យពួកគេដង្ហែញ្ញត្តិយកទៅកាន់រដ្ឋសភានោះឡើយ៕
