នាយទាហានចំនួន ៤រូប ត្រូវបានព្រះមហាក្សត្រ សម្រេចតែងតាំងមុខងារជាអគ្គមេបញ្ជាការរងនៃកងយោធពលខេមរភូមិន្ទ។
យោងតាមព្រះរាជក្រឹត្យចុះថ្ងៃទី ២៣ ខែ មីនា ដែលមានហត្ថលេខាប្រមុខស្ដីទីលោក សាយ ឈុំ បានត្រាស់បង្គាប់តែងតាំងមុខងារនាយទាហាន នៃកងយោធពលខេមរភូមិន្ទ ចំនួន ៤រូប ជាអគ្គមេបញ្ជាការរងនៃ កងយោធពលខេមរភូមិន្ទ បន្ថែមលើមុខងារបច្ចុប្បន្ន។
តាមព្រះរាជក្រឹត្យដដែលនាយទាហាន ៤រូបដែលត្រូវបានតែងតាំងនោះមាន នាយឧត្តមសេនីយ៍ សឹង សំណាង នាយឧត្ដមនារី ទៀ វិញ ឧត្តមសេនីយ៍ឯក វង្ស វាសនា និង លោក ឧត្ដមសេនីយ៍ឯក ណុប រតនា។
ក្នុងព្រះរាជក្រឹត្យដដែលនោះក៏ត្រាស់បង្គាប់ឲ្យលោក នាយករដ្ឋមន្រ្តី ហ៊ុន សែន ទទួលបន្ទុកក្នុងការអនុវត្តព្រះរាជក្រឹត្យនេះ ចាប់ពីថ្ងៃឡាយព្រះហស្តលេខានេះ៕
