សមយុទ្ធនៅតៃវ៉ាន់រៀនរបៀបទប់ទល់ការឈ្លានពានពីចិន

តៃវ៉ាន់រៀបចំធ្វើសមយុទ្ធដោយរៀនពីវិធីសាស្ត្រក្នុងការត្រៀមទប់ទល់ជាមួយចិនករណីមានការឈ្លានពានកើតឡើង ដោយឲ្យមានការប្រឈមមុខដាក់គ្នាកាន់តែខ្លាំង ជាមួយរដ្ឋអំណាចទីក្រុងប៉េកាំង។​

តៃវ៉ាន់ធ្វើសមយុទ្ធនៅថ្ងៃព្រហស្បតិ៍នេះ បានលើកឡើងវិធីសាស្ត្រចំនួន៥ ក្នុងនោះមានវិធីសាស្ត្រមួយគឺការឈ្លានពានរបស់រដ្ឋអំណាចទីក្រុងប៉េកាំង។​ នេះគឺជាសមយុទ្ធប្រចាំឆ្នាំធំបំផុតរបស់តៃវ៉ាន់ ដែលប្រឈមមុខជាមួយចិន។​ នេះបើតាមសារព័ត៌មាន Channel News Asia។​

សមយុទ្ធនោះបានធ្វើឡើងនៅកោះ​ Penghu ជាកន្លែងបែងចែកផ្លូវចន្លោះដែនដីតៃវ៉ាន់ និង ដែនដីដែលគ្រប់គ្រងដោយរដ្ឋអំណាចទីក្រុងប៉េកាំង។​

រដ្ឋមន្ត្រីក្រសួងការពារជាតិតៃវ៉ាន់ថ្លែងថា ការគំរាមកំហែងពីចិន នៅតែជាផ្នែកមួយនៃការព្រួយបារម្ភដែលតៃវ៉ាន់ត្រូវត្រៀមការពារខ្លួនឯង៕