គ.ជ.ប. បានបង្ហាញថា គណបក្សកាន់អំណាចឈ្នះបានអាសនៈភាគច្រើនក្នុងការបោះឆ្នោតក្រុមប្រឹក្សាឃុំសង្កាត់អាណត្តិទី៤ នៅក្នុងខេត្តកំពង់ឆ្នាំង។
លទ្ធផលផ្លូវការនៃការបោះឆ្នោតជ្រើសរើសក្រុមប្រឹក្សាឃុំសង្កាត់ចេញដោយ គ.ជ.ប. នៅថ្ងៃនេះ បង្ហាញថា គណបក្សប្រជាជនកម្ពុជាឈ្នះបានអាសនៈសរុប ២៥២ នៅខេត្តកំពង់ឆ្នាំង ដោយឈ្នះបានតំណែងជាមេឃុំឬចៅសង្កាត់ ៦២ តំណែងជាជំទប់ទី១ចំនួន ៦២ ជំទប់ទី២ចំនួន ៨ និងតំណែងជាសមាជិកក្រុមប្រឹក្សាសរុប ១២០។
ចំណែកគណបក្សសង្គ្រោះជាតិវិញ ឈ្នះអាសនៈសរុប ១៧០ ដោយឈ្នះបានតំណែងជាមេឃុំចំនួន ៨ ជំទប់ទី១ចំនួន ៨ ជំទប់ទី២ចំនួន ៦២ និងតំណែងជាសមាជិកសរុប ៩២។
លទ្ធផលផ្លូវការនេះ បង្ហាញថា គណបក្សកាន់អំណាចទទួលបានសំឡេងគាំទ្រជាង ១៤ម៉ឺន ៣ពាន់សំឡេង ខណៈដែលបក្សប្រឆាំងទទួលបានសំឡេងគាំទ្រជាង ១០ម៉ឺន ១ពាន់សំឡេង៕
