នៅឯខេត្តបន្ទាយមានជ័យឯណោះវិញ លទ្ធផលផ្លូវការបង្ហាញថា គណបក្សចំនួន ៣ បានឈ្នះអាសនៈនៅក្នុងការបោះឆ្នោតជ្រើសរើសក្រុមប្រឹក្សានាពេលថ្មីៗនេះ នាំមុខដោយបក្សកាន់អំណាច។
លទ្ធផលផ្លូវការបង្ហាញថា គណបក្សប្រជាជនកម្ពុជាឈ្នះបានអាសនៈសរុប ២៨៦ ដោយបានតំណែងជាមេឃុំ ឬចៅសង្កាត់ ៥៤ តំណែងជំទប់ទី១ចំនួន ៤៣ ជំទប់ទី២ចំនួន ១១ និងតំណែងជាសមាជិកក្រុមប្រឹក្សា ១៧៨។
គណបក្សសង្គ្រោះជាតិឈ្នះបាន ២១១អាសនៈ ដោយទទួលបានតំណែងជាមេឃុំឬចៅសង្កាត់ ១០ ជំទប់ទី១ចំនួន ២១ ជំទប់ទី២ចំនួន ៤៣ និងសមាជិកក្រុមប្រឹក្សាសរុប ១៣៧។
ចុងក្រោយគេគឺគណបក្សខ្មែររួបរួមជាតិឈ្នះបានអាសនៈ ១៨ ដោយទទួលបានតំណែងជាមេឃុំមួយ ជំទប់ទី១ចំនួន ១ ជំទប់ទី២ចំនួន ១១ និងសមាជិកក្រុមប្រឹក្សាចំនួន ៥៕
