ធនាគារជាតិកម្ពុជា បានចេញលិខិតមួយកាលពីថ្ងៃទី២៤សីហាថា អត្រាប្តូរប្រាក់រៀល ធៀបនឹងប្រាក់ដុល្លាអាមេរិក នៅលើទីផ្សា បានថយចុះជាបន្តរបន្ទាប់គិតចាប់ពីថ្ងៃទី១៨ដល់ថ្ងៃទី ២៤សីហាឆ្នាំ២០១៧នេះ អត្រាទិញជាមធ្យម៤ ១១១រៀលដល់៤ ០៣៧រៀល ក្នុង១ដុល្លាហើយលក់ទៅវិញក្នុងអត្រា៤ ១២០រៀល ទៅ៤ ០៦០រៀល ក្នុង១ដុល្លាអាមេរិក។
បើតាមធនាគាជាតិ មូលហេតុ ដែលធ្វើឲ្យប្រាក់ដុល្លាថយចុះគឺ ដោយសារ មានតម្រូវការប្រាក់រៀល សម្រាប់បង់ពន្ធលើតម្លៃបន្ថែម ពន្ធលើការនាំចូលទំនិញ និងយកទៅប្រើប្រាស់នៅតាមបណ្តាខេត្តមួយចំនួន។
ប្រាក់ដុល្លាអាមេរិក បានឡើងថ្លៃ បើធៀបនិងប្រាក់ហ្រ្វង់ស្វិស ប្រាក់ផោនអង់គ្លេស និងបា្រក់បាតថៃ ប៉ុន្តែបើធៀបនិងប្រាក់ដុល្លាអូស្ត្រាលី ប្រាក់អឺរ៉ូ និងប្រាក់យ៉េនជប៉ុន គឺធ្លាក់ចុះ។ នេះបើប្រៀបធៀប នឹងអត្រាប្តូរប្រាក់កាលពីសប្តាហ៍មុន៕
ហូរ តុងហាន់
