មេដឹកនាំបក្សប្រឆាំងនៅម៉ិចស៊ិកជំរុញឲ្យរដ្ឋាភិបាលដាក់ពាក្យប្តឹងទៅអង្គការសហប្រជាជាតិ ប្រឆាំងរដ្ឋាភិបាលអាមេរិកដឹកនាំដោយលោក ត្រាំ ដែលរៀបចំការសាងសង់ជញ្ជាំងតាមព្រំដែននៃប្រទេសទាំងពីរ ដែលរក្សាឲ្យប្រទេសម៉ិកស៊ិកក្លាយជាកន្លែងរក្សាទុកជនអន្តោប្រវេសន៍ខុសច្បាប់។
មេដឹកនាំបក្សប្រឆាំងម៉ិចស៊ិកលោក Andres Manuel Lopez Obrador ថ្លែងថា គម្រោងរបស់លោកត្រាំក្នុងការកសាងជញ្ជាំងតាមព្រំដែននោះគឺជាបំពានដល់ប្រទេសម៉ិចស៊ិក។ នេះបើតាមទីភ្នាក់ងារសារព័ត៌មានរ៉យទ័រ។
មេដឹកនាំបក្សប្រឆាំងរូបនេះ លើកឡើងថា លោកស្នើឲ្យរដ្ឋាភិបាលប្តឹងទៅ អង្គការសហប្រជាជាតិថា ការកសាងជញ្ជាំងនោះជាការបំពានសិទ្ធិមនុស្ស និង ការរើសអើងជាតិសាសន៍។
លោកត្រាំ បានប្រកាសប្តេជ្ញាសាងសង់ជញ្ជាំងតាមព្រំដែនតាំងពីឆ្នាំ២០១៥ ពេលដែលលោកឃោសនា ដោយចោទថា ជនអន្តោប្រវេសន៍ និង ការចរាចរណ៍គ្រឿងញៀនគឺឆ្លងកាត់ពីប្រទេសម៉ិចស៊ិក៕