យ៉ាងហោចមនុស្ស ១នាក់ បានស្លាប់ និង ១២នាក់ទៀត បានរងរបួសធ្ងន់ស្រាល នៅក្នុងគ្រោះថ្នាក់ចរាចរណ៍នៅទូទាំងប្រទេស កាលពីថ្ងៃម្សិលមិញនេះ។
របាយការណ៍នគរបាលចរាចរណ៍ដែលផ្សាយនៅវេបសាយអគ្គស្នងការនគរបាលជាតិកម្ពុជា បានឲ្យដឹងថា គ្រោះថ្នាក់ចរាចរណ៍ ៦ករណី បានកើតឡើងកាលពីថ្ងៃម្សិលមិញនេះ ដោយបានសម្លាប់មនុស្ស ១នាក់ ខណៈមនុស្ស ៩នាក់រងរបួសធ្ងន់ ហើយ ៣នាក់ទៀតរងរបួសស្រាល។
តួលេខនគរបាលចរាចរណ៍ បានឲ្យដឹងទៀតថា ក្នុងរយៈពេល ២៥ថ្ងៃក្នុងខែកុម្ភៈនេះ មនុស្សដល់ទៅ ១១៣នាក់ បានស្លាប់ ហើយមនុស្ស ៣៦១នាក់ទៀត បានរងរបួសធ្ងន់ និងស្រាល នៅក្នុងករណីគ្រោះថ្នាក់ចរាចរណ៍សរុប ២៣៧លើក នៅទូទាំងប្រទេស៕