លោកនាយករដ្ឋមន្ត្រីហ៊ុន សែន បានថ្កោលទោសចំពោះករណីវាយប្រហារដោយក្រាប់បែកអត្តឃាតកាលពីថ្ងៃទី២២ ខែមីនាកន្លងទៅនៅទីក្រុងព្រុចសែលនៃប្រទេសបែលហ្ស៊ិក ដែលបានសម្លាប់អស់ជាង៣០នាក់។
នៅក្នុងលិខិតរំលែកទុក្ខរបស់លោកនាយករដ្ឋមន្ត្រីហ៊ុន សែន ចុះថ្ងៃទី២៣ ខែមីនា ផ្ញើទៅលោក ឆាល មីសែល នាយករដ្ឋមន្ត្រីនៃប្រទេសបែលហ្ស៊ិកបានបញ្ជាក់ថា លោកមានការតក់ស្លុតចំពោះការបំផ្ទុះគ្រាប់បែក ដែលបង្កឡើងដោយ ក្រុមភេរវករនៅព្រ លានយន្តហោះ Zaventem និងស្ថានីយ៍រថភ្លើង Maelbeek។
នៅក្នុងលិខិតលោកនាយករដ្ឋមន្ត្រីបញ្ជាក់ថា លោកថ្កោលទោស ដាច់ខាត និង ចាត់ទុកថា នេះជាអំពើឃោរឃៅ។
កាលពីព្រឹកថ្ងៃទី២២ ខែមីនា ក្រុមភេរវកម្មបានបំផ្ទុះគ្រាប់បែកចំនួនពីរគ្រាប់នៅព្រលានយន្តហោះ និង នៅស្ថានីយ៍រថភ្លើងក្រោមដីក្នុងទីក្រុងព្រុចសែល ដែលបណ្តាលឲ្យមនុស្ស៣១នាក់ស្លាប់ និង ២៧០នាក់រងរបួស៕