លោក Bernie Sanders នៅឯសន្និបាតគណបក្សប្រជាធិបតេយ្យនៅថ្ងៃនេះបានជំរុញឲ្យក្រុមអ្នកប្រជាធិបតេយ្យ គាំទ្រលោកស្រី Hillary Clinton ធ្វើជាប្រមុខដឹកនាំសេតវិមាន។
សារព័ត៌មាន BBC បានផ្សាយថាសមាជិកព្រឹទ្ធសភារូបនេះទទួលបានការគោរពរយៈពេល៣នាទីនៅពេលលោកឡើងថ្លែងនៅក្នុងសន្និបាតបក្សប្រជាធិបតេយ្យនៅទីក្រុង Philadelphia។
លោកថ្លែងនៅចំពោះមុខមហាជនថាលោកស្រី Hillary Clinton ត្រូវតែក្លាយជាប្រធានាធិបតីបន្ទាប់របស់សហរដ្ឋអាមេរិក។
ចំណែកលោកស្រី Michelle Obama ភរិយាលោកប្រធានាធិបតី បារ៉ាក់ អូបាម៉ា ក៏ទទួលបានការស្វាគមន៍សម្រាប់សុន្ទរកថាដ៏មានឥទ្ធិពលរបស់លោកស្រីដែលបានថ្លែងរិះគន់ទៅលើបេក្ខជនប្រធានាធិបតីមកពីគណបក្សសាធារណរដ្ឋលោក Donald Trump។
នៅក្នុងសន្និបាតនោះផងដែរក្រុមអ្នកគាំទ្រលោក Sander ក៏បានបង្ហាញភាពមិនសប្បាយចិត្តចំពោះការលើកឡើងពីឈ្មោះលោកស្រី Clinton ដែលនឹងទទួលបានការតែងតាំងជាបេក្ខជនប្រធានាធិបតីផ្លូវការរបស់គណបក្សប្រជាធិបតេយ្យនៅថ្ងៃព្រហស្បតិ៍ខាងមុខនេះ៕